Гидроакустикалық станция

Гидроакустикалық станция (орыс. Гидроакустическая станция) — теңіз нысаналарын (объектілерін) іздеуге, табуға және саралауға, оларға дейінгі қашықтық пен бағытты анықтауға қатысты басқару, кемелер арасындағы байланыс аспаптарына қажет мәліметтер беруге, қарсыластың гидроакустикалық құралдарына қарсы тұруға және жүзу қауіпсіздігін қамтамасыз етуге арналған акустикалық, электрлік және электрондық аспаптар кешені. Жасалатын өлшеудің сипаты мен міндетіне байланысты гидроакустикалық станция гидролокациялық, шупеленгаторлық, навигациялық, байланыс, тану және т.б. болып және орнатылатын орнына қарай кемелік, авиациялық және стационарлық (жағалаулық) болып бөлінеді.