Гидрогеологиялық цикл

Гидрогеологиялық цикл - жер асты суларының қалыптасу барысындағы теңіз трансгрессиясынан басталып, одан кейінгі регрессиясының аяғына дейін созылған уақыт аралығы. Бұл уақыт ішінде жер асты суларының бұрынғы кезде қалыптасқан бір түрі жаңа, басқа түрге ауысады. Гидрогеологиялық цикл седиментациялық (элизиондық) және инфильтрациялық екі су алмасу кезеңінен тұрады. Бірінші кезеңде (трансгрессияның бастапқы кезеңінен бастап регрессияның басына дейін) теңіз түбінде жиналатын шөгінділердегі жер асты сулары, екінші кезеңде (теңіз түбі көтеріліп құрлыққа айналғанда) атмосфералық жауын-шашын мен өзен-көл суларының түрлі таужыныстарға сіңуінен, бұрынғы кезең суларын ығыстыру нәтижесінде пайда болған жер асты сулары қалыптасады.