Гидрогеологияның мұнаймен, газбен қанығу мүмкіндігі

Гидрогеологияның мұнаймен, газбен қанығу мүмкіндігі. Аталған кендер негізінен кайнозой және мезозой түзілімдерінен, өте сирек палеозой қабаттарынан өндіріледі. Әлемдік мұхиттың қайраң және континенттік баурай өңірінен, су алабының 2000 метрге дейінгі тереңдіктерінен мұнай (газ) өндірумен 96 ел айналысады. 40-тан астам елдер 300 метр тереңдік астындағы қабаттардан мұнай мен газ өндіреді.

Мұнай мен газ кендерін су астынан іздестірудің негізгі аудандары — Парсы және Мексика шығанақтары, Маракаибо тоғаны, Солтүстік теңізі, Гвиней шығанағы, Алясканың, Калифорнияның, Бразилияның, Австралияның қайраңдары, Жерорта және Каспий теңіздері, Оңтүстік-Шығыс Азия теңіздері, тағы басқа Теңіз кендерін игеру нәтижесінде Ұлыбритания, Норвегия, Мексика сияқты әлем елдері өте ірі мұнай және газ өндіруші елдер санатына қосылды.

Өте ірі мұнай өндіруші елдердің ондығы:

Өте ірі газ өндіруші елдердің оңдығына кіретіндер:

Кейбір сараптаушылардың пікірі бойынша, көмірсутектердің әлемдік барша ресурстарының үштен бір бөлігі су алабы өңіріне, негізінен қайраң белдеміне шоғырланған. Әлемдік мұхиттың қайраңынан тереңірек өңірлерде бүкіл көмірсутектер қорының 30-35 %-ы ғана орналасқан болса керек бұлар негізінен континенттік баурайларға және континент етегіне сәйкес келеді. Мұхиттың бұлардан да гөрі тереңірек өңірлерінде мұнай (газ) шоғырлану мүмкіндігі күрт төмендейді, себебі органикалық заттардың бұл өңірге жарытымсыз жиналатындығы және шөгінді түзілу жылдамдығының мардымсыздығы мұндағы мұнай (газ) қалыптасу процесін айтарлықтай шектейді.[1]

Дереккөздер өңдеу

  1. Мұнай және газ геологиясы терминдерінің орысша-қазақша түсіндірме сөздігі. Жалпы редакциясын басқарған Қазақстанға еңбегі сіңген мұнайшы — геологтар Т.Н. Жұмағалиев, Б.М. Куандықов, 2000. — 328 бет.