Гидрометриялық зырылдауық

Гидрометриялық зырылдауық — өзендердегі, каналдардағы және құбыр желілеріндегі судың ағыс жылдамдығын өлшеуге және анықтауға арналған құрал. Су ағысының жылдамдық шамасын анықтаудың мәні уақыт бірлігіндегі гидрометриялық зырылдауық айналымының саны n (мысалы, 1 секундта) су ағысы жылдамдығына — жылдамдық v пен айналым санын n байланыстыратын тендеу түрінде беріледі. Ағынның қимыл қимасының әр түрлі нүктелеріндегі жылдамдықтың шамасын таба отырып, оның су өтімін есептейді. Гидрометриялық зырылдауық айналым санына санауыш орналастырылған су ағысымен қозғалысқа келтіретін металл қалақты бұрама тәріздес немесе тостағанды қалақтардан және гидрометриялық зырылдауықты суда орнықты орналастыратын рульден тұрады. 4 м-ге дейінгі тереңдіктерде гидрометриялық зырылдауық өлшеуді іске асыру мақсатында ағынға металл қарнақпен, ал үлкен терендіктерде арқанмен түсіріледі. Гидрометриялық зырылдауық айналымының саны әрбір 25, 50, 100 айналымнан кейін берілетін электрлік қоңырау белгі арқылы немесе акустикалық сигнал беру, сонымен қатар механикалық санауыш арқылы анықталады.