Гили ас-Саид Абд ар-Рахман

Гили ас-Саид Абд ар-Рахман (1934 ж. т.) - судандық араб ақыны, әдебиетші, аудармашы.

1973 ж. Азия және Африка жазушыларының 5-конференциясына (Алматы), 1975 ж. Әл-Фарабидің 1100 жылдық тойына қатысқан.

Шетел ақын-жазушылары шығармаларын араб тіліне тәржімалаумен де айналысады. Ол аударған Абайдың таңдамалы өлеңдері мен дастандары 1971 ж. Москваның «Прогресс» баспасынан араб тілінде жарық көрді. Кітапқа алғы сөз ретіңде Мұхтар Әуезовтің «Қазақ халқының ұлы ақыны» атты мақаласы алынған. Екінші кітабы - Абайдың өлеңдер жинағын 1989 ж. «Жазушы» баспасы шығарды. Аудармашы ақынның қазақ халқының мәдени-тарихи өмірімен жете таныстығы араб оқырмандарына Абай шығармаларының тілі жатық, мән-мағынасының, өзіндік керкемдік-идеялық дәрежесінің бұзылмай жетуіне игі ықпалын тигізген. Бұл жөнінде Египеттің «әл-ГумҺурийа» («Республика»), «әл-Маса» («Кеш»), Ирактың «Тарих аш-Шағб» («Халық жолы») газеттері жылы лебіздер білдірген.