Глория Свенсон
Глория Све́нсон (Суо́нсон; толық аты Глория Джозефина Мей Свенсон (ағылш. Gloria Josephine May Swanson); 27 наурыз 1899 ж. — 4 сəуір 1983 ж.) — америкалық актриса, мылқау кино кезеңіндегі ең атақты жұлдыздардың бірі. Қазіргі заман көрерменіне «Бульвар Сансет» атты классикалық фильмдегі басты рөлді ойнайтын əртіс ретінде таныс.
| Глория Свенсон | |
| ағылш. Gloria Swanson | |
 Свенсон 1920 жылы | |
| Жалпы мағлұмат | |
|---|---|
| Туған кездегі есімі |
ағылш. Gloria Josephine May Swanson |
| Туған күні | |
| Туған жері | |
| Қайтыс болған күні | |
| Қайтыс болған жері | |
| Азаматтығы | |
| Мамандығы | |
| Белсенді жылдары | |
| Марапаттары | |
Өмірбаяны
өңдеу
Глория Свенсон кинодағы мансабын 1915 жылы он жеті жасында бастады, оның алғашқы рөлі «Кистоун» фильміндегі күлкілі əртіс болатын. Ол «Невеста из пульмановского вагона», «Её решение, или Опасная девчонка» жəне Чарльз Чаплинмен бірге ойнаған «Его новая» фильмдерінде өз рөлін керемет сомдады. Оның əртістік мансабы режиссер Сесиль де Милльмен тығыз байланысты болды, онымен бірге жұмыс істегенде Глория «Не меняйте мужа» (1919), «В горе и в радости» (1919), «Самцы и самки», «Зачем менять жену» (1920), «Дело Анатоля» (1921) секілді баға жетпес фильмдерде басты рөлдерді ойнады. Өткен ғасырдың екінші онжылдығында Голливудтағы ең атақты жұлдыздардың бірі болған Глория 1926 жылы өзінің жеке студиясының негізін қалап, «Сэди Томпсон» (1928) жəне «Правонарушительница» (1929) атты фильмдерге түсті, осы еңбегі үшін ол «Оскар» сыйлығының екі реттік номинанты атанды. Осы студияда Эрих фон Штрогейм Глория Свенсон басты рөлді ойнаған «Королева Келли» фильмін түсірді.
Дыбысты фильмнің пайда болуымен Глория фильмдерге түсуді толықтай дерлік тоқтатты: «Королева Келли»-дан кейін 1934 жылға дейін тек 6 фильмге түсті; жетіжылдық аралықтан соң 1941 жылы кино өнеріне оралды. Алайда, бұл қайтып келуді ешкім байқамаған еді. 1950 жылы ұзақ аралықтан кейін Билли Уайлдер Глория Свенсорды киноға қайта алып келіп, оған Норма Десмондтың «Бульвар Сансет» атты фильміндегі жұлдыздың рөлін ұсынды.
Осы рөлдің арқасында ол «Оскар» сыйлығының номинанты атанып қана қоймай, жиырмасыншы ғасырдың басындағы атақты киноактрисаның беделін де қайта қайтарып алды. Осылайша, ол дыбысты фильмдерге шақырыла бастады, театр сахнасына қайта еніп, қайтадан бағына ие болды. Сонымен қатар, ол өзінің жеке кəсібі бар, бай əрі тəуелсіз əйел болатын. 1960-1970 жылдар аралығында Глория Свенсон Нью-Йоркта өз атындағы брендті шығаратын сəн үйін ашты.
Глория Свенсонның йогамен қызығатындығы белгілі. Рамон Новарро, Дженнифер Джонс, Грета Гарбо, Роберт Рейн секілді жұлдыздармен бірге 1947 жылы Индра Деви ашқан Голливудтағы йога мектебінің сабақтарына барып тұратын. «Американдықтарға арналған йога» (орыс. «Йога для американцев») атты кітабын Индра Деви Глория Свенсонға арнаған.
Глория Свенсон 1968 жылы КСРО-ға келіп, вегетариандық өмір салтын насихаттады. «Аэропорт 1975» (1975) фильмі Глория түскен соңғы фильм болатын.
Глория 1983 жылдың 4 сәуірінде, 84 жасында Нью-Йорктағы клиникалардың бірінде жүрек ақауынан қайтыс болған. Денесі Бесінші авенюдағы епископтық шіркеуде жерленген.