Глюкокортикоидтер

Глюкокортикоидтер - көмірсулар мен белоктар алмасуын реттеуге қатысатын омыртқалылар бүйрек үсті безі қабығында синтезделетін кортикостероид тобына жататын стероидты гормон.

Кортикостероидті глюкокортикоидтерге гидрокортизон (кортизол), кортикостерон жəне альдостерон жатады. Алғашқы екеуі бауырда гликогеннің қор болып жиналуына, қанда глюкозаның концентрациясын қалыпты жағдайда ұстауда, бауырда белок синтезіне, ал лимфада, бұлшықетте, дәнекер ұлпаларында, керісінше, белок синтезін тежеуге əсер етеді. Кортикостероид глюкозаны көмірсу емес заттардан (амин қышқылдары, глицерин) синтездейді (гликогенез процесі). Организм үшін кездейсоқ қолайсыз жағдай туғанда глюкокортикоидтер көп мөлшерде синтезделеді. Осылай организм тіршілік ететін ортаның өзгеруіне бейімделеді.[1]

Дереккөздер өңдеу

  1. Қазақ тілі терминдерінің салалық ғылыми түсіндірме сөздігі