Грейс Беделл
Грейс Беделл (ағылш. Grace Greenwood Bedell, тұрмыста Billings; 1848—1936) — 11 жасында АҚШ президенті Авраам Линкольнға хат жазған американдық. Линкольн кейін Беделлмен 1861 жылдың ақпанында кездескен болатын.
| Беделл Грейс | |
| Туған күні | |
|---|---|
| Туған жері | |
| Қайтыс болған күні | |
| Қайтыс болған жері |
Дельфос, Канзас, АҚШ |
| Азаматтығы | |
| Қызметі |
жазушы |
Өмірбаяны
өңдеу1848 жылы 4 қарашада Нью-Йорк штатының Альбион ауылында дүниеге келген. Отбасында тағы екі бауыры - Элис пен Хелен атты қыздар болған. Беделл балалық шағын Уэстфилд ауылында өткізген[1].
Линкольнға хат жазу
өңдеу Сыртқы медиафайлдар
| |
|---|---|
|
Грейс Беделл хаты |
|
|
Авраам Линкольн хаты |
1860 жылдың 15 қазан күні, Линкольн АҚШ президенті болып сайланғанға дейін Грейс Беделл үміткерге сақалын өсіруі туралы өтініш жазып, хат жіберген болатын. Қыздың хатында сақал Линкольнның сыртқы келбетін жақсартатынын, әрі өзінің ағаларымен үміткер сақал өсірсе, олар өз дауысын береді деген пари жасағаны айтылды[2]. 4 күннен соң, 19 қазанда келген жауапты хатта Линкольн қыздың өтінішін орындауға уәде бермесе де[3], бір ай ішінде сақалын өсірген. Президент болып сайланғаннан соң Америка бойынша турне өткізу кезінде жаңа басшы Грейс тұрған қалашықта болып, оны тапқаннан кейін өзінің сақалы үшін алғыс білдірді. Осы оқиға туралы 1861 жылдың 19 ақпанындағы номерінде New York World газеті хабарлады. Ал 1878 жылы жергілікті газетке берген сұхбатында Грейс Беделл-Биллингс американдықтарға оны хат жазуға не итермелегенін еске салдырып өтті. Қазіргі таңда Грейс Беделл хатының түпнұсқасы Detroit Public Library кітапханасындағы[4] Burton Historical Collection коллекциясында сақталған. Линкольнның жауапты хаты 1990-жылдардың басында 1,000,000 доллар бағасымен сатылымға шығарылып, оны белгісіз жеке коллекционер сатып алған[1].
2007 жылы зерттеушілер Грейстің Линкольнға жазған тағы да бір хатын тапқан болатын, ол жерде Беделл өз ата-анасы үшін қаржылық көмек сұраған. Хат 1864 жылы 15 жасар Грейспен жазылған[5].
Жеке өмірі
өңдеуГрейс 17 жасында АҚШ Азамат соғысының қатысушысы - сержант Джордж Ньютон Биллингсқа тұрмысқа шығып, олар Канзас штатының Дельфос қаласына көшкен. Дельфоста ерлі-зайыптылар 1 ұл сүйген. Грейс Беделл 1936 жылы өзінің 88-ші туған күніне дейін 2 күн жетпей, 2 қарашада қайтыс болып, жергілікті зиратта жерленген[6].
Линкольн суреттері
өңдеу
Линкольнның сақалсыз соңғы суреті.
Беделл хатынан 1 ай өткен соң.
Беделлді Уэстфилде кездестіруге дейін 10 күн қалғанда.
Естелік
өңдеу
- 1999 жылы Уэстфилд ауылында Линкольн мен Беделлге арналған ескерткіш қойылған[7].
- Грейс Беделл қайтыс болған қалада оның ескерткіші қойылған[8].
- Оқиғаның 150 жылдық мерейтойын тойлау кезінде (2010 жыл) сценарист Марк Эсслингер мен режиссер Эрик Бёрдетт "Грейс Беделл" атты қысқа метражды фильм түсірген[9], фильмде басты рөлді жас актриса Лана Эсслингер сомдаған[10].
Дереккөздер
өңдеу- ↑ a b ABRAHAM LINCOLN’S BEARD: THE IDEA OF AN 11-YEAR-OLD GIRL (ағыл.)
- ↑ Grace Bedell’s Letter to Lincoln (ағыл.)
- ↑ Letter to Grace Bedell (ағыл.)
- ↑ Burton Historical Collection Мұрағатталған 12 қаңтардың 2015 жылы. (ағыл.)
- ↑ Grace Bedell — Second Letter Мұрағатталған 20 сәуірдің 2017 жылы. (ағыл.)
- ↑ Grace Bedell Billings
- ↑ Grace Bedell (ағыл.)
- ↑ «Grow a Beard, Abe» Girl Monument (ағыл.)
- ↑ Grace Bedell (2010) (ағыл.)
- ↑ Lana Esslinger (ағыл.)