Григорий Тимофеевич Шереметьев

Григорий Тимофеевич Шереметьев (1922 ж. -1997 ж.) - суретші. Кескіндеме, графика саласында жұмыс істейді.

Өмірдерек

Шереметьев Григорий Тимофеевич 1922 жылы Алтай өлкесіндегі Сидоровка селосында туған.

1946 жылы Алматы көркемсурет училищесін бітірген. 1954 жылдан бастап тағдыры Семеймен байланысты, осында 40 жылдан астам жұмыс істеген. Қазақстан Суретшілер Одағының Семейдегі тұңғыш уәкілетті өкілі бола жүріп, Шереметьев қаладағы шығармашылық ұжымдардың қалыптасуына белсене араласты. Ол республикалық, Одақтық маңызы бар көрмелерге қатысушы.

1989 жылы Гурфузда Ұлы Отан соғысы ардагерлері суретшілерінің көрмесіне қатысты.

1974ж., 1982 жылдары Алматыда, 2002 жылы (қайтыс болған соң) Невзоровтар отбасы атындағы мұражайға жеке, мерейтойға арналған көрмелері өткізілді.

Суретшінің шығармашылығы көп қырлы Семейдің өткені мен бүгіні, осы өңірдің қайта жаңғыруын өзін үнемі толғандырған тақырып ретінде таңдаған Шереметьев көптеген пейзаждар, портреттер мен тақырыптық картиналарды осы өлкеге аранды.

КСРО суретшілер Одағының мүшесі.

Шығармашылығы

Суретшінің пейзаж диапазоны өте кең. Табиғаттың әртүрлі кезеңін шебер көрсете білген. Әйтсе де суретшінің ең ұнататын мезгілі — көктемдегі табиғаттың оянуы. Шереметьевті «гүлдердің біртіндеп, ақырын көбеюі қызықтырған» «Көктем» картинасында суретші сан алуан бояуларды пайдалана отырып, табиғаттың поэтикалық бейнесін жасай білген. Жұмсақ сия-көкшіл бояулармен салынған суреттерге қарап отырып, көктемгі дымқыл, таза ауаны сезгендей боласың. Ағаштардың ұшар басы алғашқы жасыл желекті жамыла бастағанмен, ағып жатқан судан суық леп әлі де есіп тұрғандай…Жағалауда жайылған жылқылар мен еркін ойнақтаған құлындар. Суретшінің қылқаламы жеңіл ғана полотноны сипап өтіп, тіршіліктің құбылмалы да аумалы — төкпелі мінезін дәл көрмете білген. Шығармаға ұлылық, тыныштық пен мәрттік тән.

Абайдың туған өлкесіне байланысты Шереметьев

• «Алыстағы Семей» (1959, кенеп, майлы бояу, Қазақстан мемл. енер музейі қоры),
• «Қарауыл төбе» (1959, кенеп, майлы бояу, Семейдегі облысы тарихи-өлкетану музейі қоры),
• «Көктемгі Ертіс әуендері» (1960, қатырма қағаз, майлы бояу),
• «Семей. Қыстау» (1960, қатырма қағаз, майлы бояу, екеуі де Қазақстан мемл. енер музейі қоры),
• «Қарауыл тауы» (1968, қатырма қағаз, майлы бояу, автордың жеке қоры),
• «Абай және Долгополов» (1970, кенеп, майлы бояу, Қарағандыдағы «Горняк» мәдениет үйі қоры),
• «Долгополов, Абай және Әйгерім» (1975, кенеп, майлы бояу, Семей облысы, «Абай» совхозының қоры),
• Абайдың мемл. қорық музейінің ұсынысымен:
  • «Абай лирикасы әуенімен»,
  • «Әсем ән» және
  • «Болды да партия» (1991, қағаз, тушь, Абайдың мемл. қорық-музейі) еңбектер жазған.