Гүлжан Қилыбаева

Қилыбаева Гүлжан (1967 жылы Шығыс Қазақстан облысы, Ұлан ауданы, Алмасай ауылы)- тоғызқұмалақшы, қазақстан спорт шебері.

1998 жылы тоғызқұмалақ бойынша Ұлан ауданынан шыққан алғаш республика чемпионы атағына ие болды. Ол Алмасай ауылының орта мектебін бітіргеннен кейін Өскемен, содан Шығыс Қазақстандық ауылшаруашылық колледжін бітірді.

Гүлжан тоғызқұмалақты 1990 жылдан бастап ойнады. Жарты жылдан кейін аудандық спартакияданы жеңіп алып, аудандық құрама командаға кірді.

1992, 1993, 1995 ж.ж. тоғызқұмалақ бойынша облыс чемпионы болды.

1998 жылы Астанада мемлекет жүлдесіне өткен бірінші халықтық спорт ойындарында спорт шебері нормативін орындады.

Спорттық жетістіктері

жекелей:

• ҚР ардагерлер чемпионаты, 1-орын (Шымкент-2012)
• ҚР ІІІ ардагерлер спартакиадасы, 3-орын (Қарағанды-2012)

командалық:

• ҚР ІІІ ардагерлер спартакиадасы, 1-орын (Қарағанды-2012)
• ҚР «Ақ бидай» ауыл спорты ойындары, 2-орын (Қызылжар-2009)

Қазіргі уақытта Гулжан Өскемен құс фабрикасында қызмет істейді. Аудан орталығында тоғызқұмалақ ойындары бойынша топты жүргізіп, ең тамаша интеллектуалдық спорт ойыны бойынша өз білімі және тәжірибесімен жастармен бөлісуде.

Сыртқы сілтемелер

• Ұлан ауданы әкімінің ресми сайты Мұрағатталған 7 қарашаның 2014 жылы.
• Қилыбаев Гүлжан