Гүлнәр Хабиқызы Жақыпова

Гүлнар Хабиқызы Жақыпова (1957 жылы 12 желтоқсан Орал қаласы) — актриса. Қазақстанның халық әртісі (1998). Қазақстанның еңбек сіңірген артисі (1987). Құрмет орденінің иегері (2013).

Гүлнәр Хабиқызы Жақыпова
Жалпы мағлұмат
Туған күні

12 желтоқсан 1957 (1957-12-12) (66 жас)

Туған жері

Орал

Азаматтығы

 КСРО
 Қазақстан

Мамандығы

актриса

Белсенді жылдары

1974 осы уақыт

Бағыты

драма мелодрама комедия тариxи фильмдер

Марапаттары
Құрмет ордені
Құрмет ордені

Өмірбаяны өңдеу

Әкесі - Жақыпов Хаби (1916 жылы туған), заңгер болып жұмыс істеген. Анасы - Ерғалиева Кама Ижанқызы (1928 жылы туған), зейнеткер, іс жүргізуші болып жұмыс істеген.

1974 ж. Орал облысы Казталов ауданындағы орыс орта мектебі және балалар музыкалық мектебін аяқтаған. 1974-1978 жж. Алматыдағы Құрманғазы атындағы Өнер институты театр факультетінің актерлік бөлімін оқып-бітірді. 1974-1993 жж. Гурьев облыстық драма театрында, 1993-2001 жж. Батыс Қазақстан облыстық драма театрында жұмыс істеген. 2001 ж. бастап М. Әуезов атындағы драма театрында қызмет етеді.

Шығармашылығы өңдеу

Кинорольдері: «Қозы Көрпеш-Баян сұлу» (реж. Ә. Әшімов) – Күнекей, «Ақсұңқар» (реж. М. Бидосов) – Бәйбіше.

Телебағдарламаларда: «Хабар» телеарнасындағы «АБВГДейка», «7» телеарнадағы «Жар-жар» бағдарламаларына белсенді қатысты. «Қазақстан» телеарнасында «Айналайын» сериалында Құдағи, «Ел арна» арнасындағы «Әсел және оның достары» сериалында Әйел рольдерін орындады. Дубляж саласында да еңбек етеді.

Ойнаған рольдері өңдеу

  • «Абай» (Қарлығаш)
  • «Көңілді өмір» (Бибіш)
  • «Әпке» (Қамажай)
  • «Күйеуіңізді сатыңызшы» (Елена)
  • «Махаббат дастаны» (Мақпал)
  • «Қарагөз» (Маржан)
  • «Айман-Шолпан» (Теңге) және басқа спектакльдерінде ойнайды.

Марапаттары өңдеу

  • 1987 жылы "Қазақ КСРның Еңбек сіңірген артисі" құрметті атағы;
  • 1998 жылы "Қазақстан Республикасының Халық әртісі" құрметті атағы;
  • 2013 жылы президент жарлығымен "Құрмет" Орденімен марапатталған.
  • 2016 жылғы ҚР тұңғыш президенті - Елбасының мәдениет саласындағы мемлекеттік степендиясының иегері.
  • 2016 жылы "ҚР тәуелсіздігіне - 25 жыл" мерекелік медалі.

Жеке қасиеттері өңдеу

  • Діни көзқарасы - «Жаратушыға сенемін».
  • Қазақстанның болашағы туралы болжамы - «Жоғары өмір деңгейіндегі құқықтық демократиялық қоғам».
  • Хоббиі - сөз жұмбақтар шешу.
  • Сүйіп оқитын әдебиеті - тарихи романдар, ғылыми-көпшілік әдебиет, детективтер, мистика, фантастика.
  • Ұлдары - Махамбет (1981 жылы туған), Міржан (1985 жылы туған).[1]

Дереккөздер өңдеу

  1. Қазақстан Республикасында Кімнің Кім екені – 2011. 2 томдық анықтамалық. Алматы, 2011. ISBN 978-601-278-473-2