Орал (орыс. Уральск; 1774 жылға шейін - Яицкий қалашығы) — Батыс Қазақстан облысының орталығы (1932 жылдан), ірі темір жол станциясы, Жайық бойындағы өзен порты, әуе жолдарының торабы. Қала Жайық өзенінің жағасында, Шағанның Жайыққа құяр тұсында орналасқан.

Қала
Орал
Елтаңбасы
Елтаңбасы
Әкімшілігі
Ел

 Қазақстан

Статусы

Облыс орталығы

Облысы

Батыс Қазақстан облысы

Әкімі

Миржан Мұнайдарұлы Сатқанов

Тарихы мен географиясы
Координаттары

51°14′ с. е. 51°22′ ш. б. / 51.233° с. е. 51.367° ш. б. / 51.233; 51.367 (G) (O) (Я)Координаттар: 51°14′ с. е. 51°22′ ш. б. / 51.233° с. е. 51.367° ш. б. / 51.233; 51.367 (G) (O) (Я)

Құрылған уақыты

1584 жыл

Қала статусы

1613 жыл

Жер аумағы

700 км²

Климаты

қатаң-континенталды

Уақыт белдеуі

UTC+5:00

Тұрғындары
Тұрғыны

253 757[1] адам (2023)

Ұлттық құрамы

қазақтар 70,57 %
орыстар 25,13 %
татарлар 1,50 %
украиндар 0,90 %
басқалары 1,9 %[2]

Этнохороним

оралдық оралдықтар

Ресми тілі

қазақ тілі

Сандық идентификаторлары
Телефон коды

+7 7112

Пошта индекстері

090000—090013

Автомобиль коды

L,07

Орал қаласының әкімдігі  (қаз.)

Орал картада
Орал
Орал
Орал картада
Орал
Орал
Орал қаласының ғарыштан көрінісі
Орал вокзалы

Тарихы өңдеу

Орал қаласының орнында бұдан бірнеше мың жыл бұрын скиф, ғұн, авар, печенег және қыпшақ тайпаларының мекен-тұрақтары болған. Бұл тайпалардың көсемдері мен жауынгерлері жерленген шағын қорымдар мен қорғандар қазір де кездеседі. Орал қаласының жергілікті қазақтар арасында ерте заманнан қазірге дейін “Теке” аталуының себебі, Алтын Орда хандары жанында уағыз тарататын Алшын Хасан сопы (Асан қайғы болуы да мүмкін) Әбдірахман, Әбдіразақ шайқылардың ұйымдық сипат белгісі – тәкие немесе мүридтер және ел кезген дәруіштер аялдайтын кәделі орын (резиденция) тәкие үйлерінің болуына байланысты. Орыстар Жайық бойына 15 ғасырдың аяғы 16 ғасырдың бас кезінде келе бастады. 17 ғасырдың 1-ширегінде Ноғай хандығымен шекарада шағын әскери бекініс-тірек ретінде Жайық қалашығы салынды. Ол 1613 ж. қазіргі Орал қаласының орнына көшірілді. 18 ғасырдың бас кезінде Жайық қалашығында 3 мыңға жуық үй болды. Олар негізінен Старица (Жайықтың бұрынғы арнасы) және Шаған өзендерінің бойына орналасты. Қаланың негізгі тұрғындары – казак-орыстар болған. Олар әлеуметтік жіктелудің нәтижесінде кедейлер (голытба) мен байлар (домовитые) болып бөлінді. Жайық казак-орыстары Е.И. Пугачев бастаған шаруалар көтерілісіне (1773 – 1775) қатысты. Жайық қалашығы ІІ Екатеринаның 1775 жылы 15 қаңтардағы жарлығымен «Орал қаласы», ал оның тұрғындары «Орал казактары» болып аталды. Орал қаласының неғұрлым ежелгі бөлігі Михайло-Аргангельск ғибадатханасының оңтүстігінде орналасты. Ғибадатхана – Орал қаласының тарихи ескерткіші (1741 – 51 ж. салынған). Қала бірнеше рет (1739, 1751, 1821, 1879) өртке ұшырады. Сырым Датұлы бастаған (1783 – 1797) халық көтерілісі,Исатай Тайманұлы мен Махамбет Өтемісұлы бастаған қазақ халқының ұлт-азаттық қозғалыстары Орал қаласы мен Жайық өңіріне ерекше із қалдырды. 1846 ж. қалаға айрықша құқықтар беріліп, үлкен қалалар санатына қосылды. 1869 ж. Орал облысы құрылып, қала облыс орталығына айналды. Қала тарихында социалды-демократиялық үйірменің құрылуы (1902), 1916 жылғы ұлт-азаттық көтеріліс (С.Меңдешев, Ә.Әйтиев, т.б.), Кеңес өкіметінің орнауы (1918 ж. 3 қаңтарда), ақ казактарға қарсы Орал қорғанысы (1919 ж., сәуір – шілде, М.Фрунзе), т.б. елеулі оқиғалар болып өтті. 1919 ж. 1-сәуірде Оралда Жұмысшы, шаруа және солдат депутаттары кеңестерінің 1-сайлауы өтті. 1920 ж. Орал губерниясы қалаға айналды. Кеңес өкіметі жылдарында Оралдың экономикасы жедел қарқынмен дамып, республикадағы ірі өнеркәсіп орталықтарының біріне айналды. 1925 ж. Жайық өзені мен Орал – Атырау арасында тұрақты кеме қатынасы және 1923 ж. Орал – Елек темір жолының ашылуы қаланың экономикалық жағдайын жақсартты. Одан кейінгі жылдары (1950 – 1990) Орал қаласында ірі машина жасау және металл өңдеу, құрылыс материалдарын өңдеу, жеңіл және тамақ өндірістері, медициналық препарат зауыттары, т.б. 200-ден астам нысан салынды, көлік жүйелері дамыды.

Климаты өңдеу

Қала климаты өткір континенталды: құрғақ әрі ыстық жаз және аз қарлы, желді суық қыс

  • Орташа жылдық температура - +6,2 °C
  • Орташа жылдық жел жылдамдығы - 2,9 м/с
  • Орташа жылдық ауа ылғалдығы - 70 %
Орал ауа райы
Көрсеткіш Қаң Ақп Нау Сәу Мам Мау Шіл Там Қыр Қаз Қар Жел
Абсолюттық максимум, °C 6,6 5,6 21,6 30,6 37,0 40,5 41,6 40,8 38,8 28,0 17,9 8,2
Орташа максимум, °C −6,8 −6,5 0,2 14,3 23,0 28,1 30,0 28,2 21,4 11,8 1,5 −4,5
Орташа температура, °C −10,6 −10,8 −4,3 8,4 15,9 21,0 23,0 21,1 14,8 6,9 −1,9 −8
Орташа минимум, °C −14,3 −15,1 −8,7 2,5 8,7 13,9 15,9 13,9 8,1 2,0 −5,2 −11,5
Абсолюттық минимум, °C −35,9 −36,6 −30,3 −14,3 −5,9 0,6 6,5 2,3 −5,3 −11,4 −29,2 −36,7
Жауын-шашын нормасы, мм 27,1 19,5 22,9 20,5 28,2 33,5 43,6 29,5 28,6 40,3 28,7 31,0
Дерекнама: Орал ауа райы мен климаты

Халық саны өңдеу

Қаланың (қалалық әкімшіліктін аумағы) 2022 жылғы ұлттық құрамы[3]:

Орал қаласы халқының саны[4]

1897 1959 1970 1979 1989 1991 1999
36 466 103 914 134 162 167 352 199 835 214 000 195 459
2004 2005 2006 2007 2008 2009 2010 2011 2012 2013[5] 2014[6] 2015[7]
195 811 198 137 201 970 205 277 208 814 202 161 207 109 213 107 218 136 222 808 227 368 230 775
2016[8] 2017[9] 2018[10] 2019[11] 2020[12] 2021[13]
230775 300 128 306 549 235806 234184 234155

Транспорт өңдеу

Теміржол өңдеу

Толық мақаласы: [[Орал (станция)|Орал (станция)]]

Алғаш рет Орал теміржолмен 1894 жылғы бірікті. Бұл Рязано-Орал темір жолы еді[14]. Орта Азиялық минареттер стильінде жасалған мұнаралар орналасқан вокзал басында қаладан алыс болғаны сонша, Алексей Николаевич Толстой вокзалдан қалаға барар жолды «Телеграф өскен дала» деп атаған. Ұзақ уақыт бойы Орал жолдың соңғы станциясы болып, ортаны сібірмен біріктіріп тұратын, сосын темір жол Соль-Илецкқа шейін созылып, ол Ресейді Сібір және Қазақстан мен біріктіретін болды.


Кеңес одағы кезінде қала әбден өсті. Сонын арқасында станция орталықта тұр десе де болады.

Бауырлас қалалар өңдеу

Серіктес қалалар

Орал қаласында болған көрнекті адамдар өңдеу

 
Пугачев үйі
 
Карев үйі

Бұл қалада әр кездері орыстың белгілі ақын-жазушылары
А.С. Пушкин,
В.А. Жуковский,
В.И. Даль,
В.Г. Короленко,
М.А. Шолохов, т.б. болды.
Сондай-ақ, көрнекті қазақ қаламгерлері
С.Сейфуллин,
Х.Есенжанов,
Т.Жароков,
І.Аманжолов, т.б.
өмірінің біраз кезеңдерін Орал қаласында өткізген. [17]

Дереккөздер өңдеу

  1. Қазақстан Республикасы халқының жынысы және жергілікті жердің типіне қарай саны (2023 жылғы 1 қаңтарға)
  2. Қазақстан Республикасы халқының жекелеген этностары бойынша саны (2022 жыл басына)
  3. Дереккөз қатесі: Жарамсыз <ref> тегі; no text was provided for refs named Stat2022-1
  4. City & town of Kazakhstan  (ағыл.). pop-stat.mashke.org. Тексерілді, 29 наурыз 2016.
  5. Численность населения Республики Казахстан по полу в разрезе областей, городов, районов, районных центров и поселков на начало 2013 года. Комитет по статистике Министерства национальной экономики Республики Казахстан.(қолжетпейтін сілтеме) Тексерілді, 11 желтоқсан 2019.
  6. Численность населения Республики Казахстан по полу в разрезе областей, городов, районов, районных центров и поселков на начало 2014 года. Комитет по статистике Министерства национальной экономики Республики Казахстан.(қолжетпейтін сілтеме) Тексерілді, 11 желтоқсан 2019.
  7. Численность населения Республики Казахстан по полу в разрезе областей, городов, районов, районных центров и поселков на начало 2015 года. Комитет по статистике Министерства национальной экономики Республики Казахстан.(қолжетпейтін сілтеме) Тексерілді, 11 желтоқсан 2019.
  8. Численность населения Республики Казахстан по полу в разрезе областей, городов, районов, районных центров и поселков на начало 2016 года. Комитет по статистике Министерства национальной экономики Республики Казахстан.(қолжетпейтін сілтеме) Тексерілді, 11 желтоқсан 2019.
  9. Численность населения Республики Казахстан по полу в разрезе областей, городов, районов, районных центров и поселков на 1 октября 2017 года. Комитет по статистике Министерства национальной экономики Республики Казахстан.(қолжетпейтін сілтеме) Тексерілді, 11 желтоқсан 2019.
  10. Численность населения Республики Казахстан по полу в разрезе областей, городов, районов, районных центров и поселков на начало 2018 года. Комитет по статистике Министерства национальной экономики Республики Казахстан.(қолжетпейтін сілтеме) Тексерілді, 11 желтоқсан 2019.
  11. Численность населения Республики Казахстан по полу в разрезе областей, городов, районов, районных центров и поселков на начало 2019 года. Комитет по статистике Министерства национальной экономики Республики Казахстан.(қолжетпейтін сілтеме) Тексерілді, 11 желтоқсан 2019.
  12. Численность населения Республики Казахстан по полу в разрезе областей, городов, районов, районных центров и поселков на начало 2020 года. Комитет по статистике Министерства национальной экономики Республики Казахстан. Тексерілді, 3 қараша 2022.
  13. Численность населения Республики Казахстан по полу в разрезе областей, городов, районов, районных центров и поселков на начало 2021 года. Комитет по статистике Министерства национальной экономики Республики Казахстан. Тексерілді, 2 қараша 2022.
  14. Уральск. Описание станций РУЖД и их окрестностей.(қолжетпейтін сілтеме) Тексерілді, 7 шілде 2018.
  15. Уральск и Острава — города побратимы.(қолжетпейтін сілтеме)
  16. Уральск подписал новые меморандумы с городами-побратимами(қолжетпейтін сілтеме)Үлгі:Недоступная ссылка
  17. «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, VII том