Гүлшат Тельманқызы Әйтиева

Гүлшат Тельманқызы Әйтиева (19.07.1958 жыл, Алматы қаласы) - Физика-математика ғылымдарының кандидаты (1988). Қазақ.

Әкесі - Тельман Абдрахманұлы Әйтиев, марқум, В.И. Ленин атындағы ҚазПТИ тарих кафедрасының доценті болған. Анасы - Раушан Бақытқызы Әйтиева, Қазақ мемлекеттік қыздар педагогикалық университетінің кітапхана меңгерушісі.

С.М. Киров атындағы Әл-Фараби атындағы Қазақ ұлттық университетінің физика факультетін (1980) физик, физика пәнінің оқытушысы мамандығы бойынша; А. Иоффе атындағы Физика-техника институтының аспирантурасын (1986) бітірген.

Кандидаттық диссертациясының тақырыбы: «Капиллярлық гетероэпитаксия әдісімен GaAs және GaAIAs аса жұқа қабаттарын құру». 10 ғылыми мақаланың авторы. 2 авторлық куәлігі бар.

1980 жылдан - С.М. Киров атындағы Қазақ мемлекеттік университетінің машықтанушы-зерттеушісі. 1982-1986 жылдары - А. Иоффе атындағы Физика-техника институтының аспиранты (Ленинград қ.). 1987 жылдан - В.И. Ленин атындағы ҚазПТИ ғылыми қызметкері, 1988 жылдан - физика кафедрасының оқытушысы, доценті. 1990 жылдан - «Каз-Олив» ШК бухгалтері. 1991 жылдан бері - «Дәстүр» ЖШС жиһаз фабрикасының бас директоры.

Қызмет атқару барысында Қазақстанның көптеген қалаларындағы мемлекеттік және жеке нысандар салынып, безендірілді, атап айтқанда: Абай атындағы МАОБТ, ҚР Әділет министрлігі.

ҚР Президенттігінө үміткер Н.Ә. Назарбаевтың бастамашы тобының мүшесі (1998); үкіметаралық Қазақстан-румын комиссиясының мүшесі.

КСРО өнертапқышы (1987).

Тұрмыс құрған. Жұбайы - Батырбаев Эдуард Мәукенұлы, «Инновация XXI» ЖШС Директорлар кеңесінің төрағасы. Қызы - Жиенбаева Мәдина (1982 ж. т.); ұлы - Батырбаев Асан (2003 ж. т.). Немересі бар.