Гүң

Гүң - әскери атақ. Цинь империясында қолданылған әскери-әкімшілік мансап дәрежесінің сайд, уаң (ван), бәйл, бейістен кейінгі бесінші деңгейіне саналатын әскери лауазым, шен атауы. Гүң лауазымы XX ғасырдың басына дейін қолданылған. Бұл лауазым қазақ қоғамындағы старшындық лауазыммен деңгейлес. Қазақ сұлтандарынан ең алғаш қытайдың гүң лауазымын Абылайдың үшінші ұлы Әділ сұлтан алған. Үйсін елінің 25 руын билеген Әділге Цинь императоры 1773 жылы гүң шенін берген. Бұл лауазымды қытайлықтар қазақ билеушілеріне мұрагерлік дәстүрмен жалғастырып беріп отырған. Мысалы, Әділ сұлтанның баласы Құланның да гүң атағы болған. 1832 жылы Құлан қайтыс болғаннан кейін оның баласы Хәкімбекке гүң лауазымы мұрагерлік жолмен өтетінін хабарлаған.