Дабыл жарғағы
Дабыл жарғағы (лат. membrana tympani, membrana - жарғақ, tympani — дабыл) - сыртқы құлақ пен ортаңғы құлақты бөліп тұратын жұқа жарғақты терілі құрылым; сыртқы құлақ пен ортаңғы құлақты бөліп тұратын жұқа жарғақ.[1]
Оның негізін сәулелі және сақинаша бағыттарда орналасқан дәнекер ұлпасының талшықтары құрайды. Дабыл жарғағының ішкі бетіндегі кілегейлі қабық-жалаң қабат жалпақ эпителиймен астарланған. Дабыл жарғағын сыртынан көпқабатты жалпақ эпителий қаптап жатады. Дабыл жарғағының орта тұсына балғаша сүйекшенің (есту сүйекшесі) тұтқасы бекиді. Дабыл жарғағы — ауадағы дыбыс тербелістерін ортаңғы құлақтағы бір-бірімен буын арқылы қозғалмалы байланысқан есту сүйекшелеріне (балғаша, төс, жасымықша, үзеңгіше сүйекшелер) жеткізеді.[2]
Дереккөздер
өңдеу- ↑ Орысша-қазақша түсіндірме сөздік: Биология / Жалпы редакциясын басқарған э.ғ.д., профессор Е. Арын - Павлодар: «ЭКО» ҒӨФ. 2007. - 1028 б. ISBN 9965-08-286-3
- ↑ Биоморфология терминдерінің түсіндірме сөздігі/ — Алматы: "Сөздік-Словарь", 2009 жыл. ISBN 9965-822-54-9
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |