Давид Никитович Кугультинов

Давид Никитович Кугультинов (1922—2006) — ақын, қоғам қайраткері. Қалмақ автономиялық республикасының халық ақыны, Социалистік еңбек ері. Оның «Жастық жырлары», «Ой көзімен», «Алтын жүрек», «Дос көңілін жықпай», «Кемел шақ», «Өмір және ойлар» т. б. жыр жинақтары жарық көрген. «Тыңнан тұңғыш жол салған» атты мақаласында (Семей таңы, 1985, 10 тамыз) Абайдың ойшылдық тұлғасына, ақындық жаңашылдығы мен эстетикалық талғамына тоқталады. «Замандасым» өлеңдер жинағы үшін РКФСР Мемлекеттік сыйлығы, «Сәуір әуені» жыр жинағы үшін КСРО Мемлекеттік сыйлығы берілген.