Далу
Далу– ежелгі Үйсін мемлекетіндегі жоғары әкімшілік лауазым. Көне қытай деректерінде Үйсін мемлекетіндегі елбасы гуньмодан (көне үйсінше күнбек немесе күнби) кейінгі жоғ. мемл. билік лауазымдары тоғызға бөлінген, оны он бес адам атқарған. Солардың ішінде күнбиден кейінгі жоғ. шен есептелген Далулауазымындағылар саяси және әскери билікті қоса атқарған. Оған, көбінесе, күнбидің әулетінен тараған адамдар тағайындалатын болған. Далу сөзінің толық мағынасы белгісіз. Ертеректе қытай тілінде хатқа түсірілген Үйсін мемлекетіндегі бірқатар атаулар мен есімдерді (гуньмо – күнби, Вэнхоу – жабғу) көне үйсінше қалпына келтіру әлі күнге шешімін тапқан жоқ. Көне қытай деректерінде Далу атауының алдына көбінесе «сян» иероглифі тіркеліп жазылады, оның қытайша мағынасы бас уәзір, премьер-министр. Ал Далу – көне үйсін тіліндегі шен атауының қытайша транскрипцияланып берілуі.[1]
Дереккөздер
өңдеу- ↑ Қазақ Энциклопедиясы
“Қазақ Энциклопедиясы”, 5-том
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |