Даррен Аронофски

Даррен Аронофски (ағылш. Darren Aronofsky, 12 ақпан 1969, Бруклин, Нью-Йорк, АҚШ) — америкалық режиссер, продюсер.

Даррен Аронофски
Darren Aronofsky
Аронофски 2011 жыл
Жалпы мағлұмат
Туған күні	12 ақпан 1969 (1969-02-12) (55 жас)
Туған жері	Бруклин, Нью-Йорк, АҚШ
Азаматтығы	АҚШ
Мамандығы	режиссёр, сценарийші, кинопродюсер
Белсенді жылдары	1990 — қазіргі уақыт
Бағыты	драма, триллер
Марапаттары	«Тәуелсіз рух» (1999, 2009, 2010)
IMDb	ID 0004716
Даррен Аронофски Ортаққорда

Өмірбаяны

Аронофски Нью-Йоркте, Бруклинде, мектеп мұғалімінің отбасында дүниеге келген. Оның әкесі Абрахам (Абе) химия пәнінің оқытушысы болған. Анасы, Шарлотта Аронофски, 1941 жылы Бруклинде туған.

Даррен елінің ең үздік мектептерінің бірі — Эдвард Мэроудың орта мектебін бітірді (Нью-Йорк). Мектепті бітірісімен, 6 ай шамасында Еуропа, Гватемала жерлеріне саяхаттаған. Ал 1987 жылы Гарвард университетіне түсіп, кино және антропологияны оқыған. 1990 жылы ғылыми жоба ретінде ең бірінші фильмін түсіреді («Чистка супермаркета»). 1991 жылы тағы да қысқа фильм түсіріп (Печенье с предсказанием), Гарвард университетін беспен бітіреді. Бір жыл өткен соң Даррен Лос-Анжелеске көшеді де, американдық кино өнерінің институтына түседі. Нью- Йоркке оралған соң, 1995 жылы Аронофски «Пи» атты фильмін түсіреді. 2000 жылы «Реквием по мечте» фильмі шығып, үлкен табыс әкеледі және көптеген сыйлықтарға ие болады. 2006 жылдың 2 қыркүйегінде «Фонтан» атты фильмі жарық көреді. Аронофскидің «Рестлер» және «Қара аққу» атты фильмдері, оның ең үздік фильмдер, болып саналды.

Жеке өмірі

2001 жылы Аронофски англиялық актриса Рэйчел Вайспен кездесе бастайды, 2006 жылдан бастап олар бірге тұрады және осы жылы олардың ұлдары дүниеге келеді. Бірақ, 2010 жылдың қараша айында олар ендігі кездеспейтіндігі жайлы жариялайды.

Сыртқы сілтемелер

• Даррен Аронофскидің жеке сайты
• Даррен Аронофски жайлы
• Даррен Аронофскимен сұхбат Мұрағатталған 29 наурыздың 2016 жылы.