Дафна Дюморье

Дама Дафна дю Морье (ағылш. Daphne du Maurier, Lady Browning; 13 мамыр 1907, Лондон — 19 сәуір 1989, Корнуолл) — психологиялық триллер жанрында жазған ағылшын жазушысы және биографы.

Дафна дю Морье
Daphne du Maurier
Туған күні	13 мамыр 1907 (1907-05-13)
Туған жері	Лондон, Ұлыбритания
Қайтыс болған күні	19 сәуір 1989 (1989-04-19) (81 жас)
Қайтыс болған жері	Корнуолл, Англия, Ұлыбритания
Азаматтығы	Ұлыбритания
Мансабы	жазушы, драматург
Шығармашылық жылдары	1931 — 1989
Жанры	готикалық әдебиет
Шығармалардың тілі	ағылшын
Дебюті	«Махаббат рухы», 1931
Марапаттары	Эдгар марапаты
Ортаққордағы санаты: Дафна дю Морье

Биографиясы

Отец Дафны, Джеральд дю Морье

Жанұясы

Дафна 1907 жылы 13 мамырда актер Джеральд дю Морье және Мэриел Бомонттың отбасында дүниеге келген. Атасы әйгілі карикатурашы және жазушы - Джордж Дюморье болған. Отбасында үш қыздың екіншісі. Үлкен әпкесі - Анджела дю Морье (1904–2002), жазушы, ал сіңлісі - Жанна дю Морье (1911–1997), суретші болған. Дафнаның, әкесі жағынан, немере ағалары атақты Ллуэлин-Дэвис отбасынан шыққан, олар көбіне «Дэвис Бойз» деген атпен танылған. Дәл осылар, отбасының жақын досы Д. М. Барридің Питер Пен жайлы повесінің кейіпкерлерінің түпкі бейнелері болған.

Өмірінің ерте кезеңдері

Дафна да өзінің бауырлары сияқты үйден оқыған. Өзінің туған анасымен ара қатынастары суық болғандықтан, оның Мод Уоделл (ағылш. Maud Waddell) атты гувернанткасы оның өмірдегі үлгі алар адамы болған. Ол кішкентайынан көп оқыған, сүйікті жазушылары Вальтер Скотт, Теккерей, әпкелі-сіңлі Бронтелер және Оскар Уайльд. Сонымен қатар Дафнаның шығармашылығына Кэтрин Мэнсфилд, Ги де Мопассан және Сомерсет Моэм туындылары да айтарлықтай ықпалын тигізген. Дафны дю Морьенің алғашқы жемістерінің бірі болып 15 әңгімеден тұратын «The Seekers» («Жаждущие») атты жинағы шыққан. Ол кезде Дафна он сегіз жаста болатын.

Неке мен өмірінің соңғы кезеңдері

Сэр Фредерик Браунинг, Дафнаның күйеуі

1931 жылы Дафна өзінің алғашқы «Махаббат рухы» атты романын жарыққа шығарады. Бұл роман жазушы өмірінде маңызды рөл атқарған. Кітабының сәтті болып шығуы оған отбасынан қаржылық жағынан тәуелсіз болуына мүмкіндік берген. Кейбір мәліметтерге сәйкес Дафна осы романның арқасында өзінің болашақ күйеуімен танысқан. Дю Морьенің алғашқы романы майор Браунингке қатты ұнап, ол автормен танысу үшін арнайы Фоуиге барған. Оларды тағдыр қосқан деседі.

Шығармашылығы

Дафна дю Морьенің шығармаларының көбі психологиялық триллер жанрында жазылған. Сюжет құрылымының ерекшеліктеріне қарамастан көптеген баспалар мен кітап дүкендері оның романдарының жанрын мелодрама немесе махаббат тақырыбындағы романдар деп беретін. Дегенменде дю Морьенің романдарындағы махаббат желісіне қарамастан оларды жалпылай махаббат прозасы деп атауға болмайды.

Дафна дю Морьені готикалық әдебиет дәстүрін жалғастырушы деп те жиі атайды. Оның шығармашылығы Стивен Кинг және Стефани Майер сияқты жазушыларға өз әсерін тигізген.

Сілтемелер

• Официальный мемориальный сайт (ағылш.). Тексерілді, 20 желтоқсан 2009.
• Дафна дю Морье. в Библиотеке Максима Мошкова. Тексерілді, 20 желтоқсан 2009.
• Дафна Дю Морье (Daphne du Maurier). Тексерілді, 20 желтоқсан 2009.
• Официальный сайт Фестиваля искусств и литературы Дафны дю Морье (ағылш.). Тексерілді, 20 желтоқсан 2009.
• Daphne Du Maurier (ағылш.). IMDB.com. Тексерілді, 20 желтоқсан 2009.