Дағдан

Дағдан (лат. Stahyopsіs) – ерінгүлділер тұқымдасына жататын көп жылдық шөптесін өсімдіктер туысы.

Дағдан
Ғылыми топтастыруы
Дүниесі: Өсімдіктер (unranked) Қос жарнақтылар Тұқымдасы: Ерінгүлділер Тегі: Дағдан (Stahyopsіs)

Таралуы

Қазақстанда Солтүстік, Батыс Тянь-Шань тауларының биік белдеулерінде өсетін 3 түрі (сарғыш түсті Дағдан, тауқалақайгүл Дағдан, ұзын жапырақты Дағдан) бар.

Ботаникалық сипаты

• Биіктігі 30 – 80 см.
• Сабақтары тік, жоғары жағы бұтақты, төрт қырлы, сыртын түк жапқан.
• Жапырақтары отырыңқы, сирек сағақты, шеті тісті тіліктенген.
• Күлтесі қос ерінді, қызғылт түсті. Аталығының жоғары бөлігі түкті, төменгісі тықыр. Аналық мойнының жоғары жағында екі біз сияқты қалақшасы бар.
• Маусым – шілде айларында гүлдеп, шілде – тамызда жемістенеді. Жемісі – үшқырлы жаңғақша.