Джая Бхадури

Джая Бхадури (Jaya Bhaduri) Үндістанның әйгілі актрисасы, сценариші және продюсер. 1948 жылы 9 сәуірде Үндістанның Kolkata қаласында туған. Әкесі Тарун Кумар Бхадури – журналист, жазушы әрі суретші. Анасы – Индира Бхадури. Өзінің мансабын 1963 жылы Mahanagar фильмінен бастаған. Бұл фильмде ол кішігірім рөлді сомдаған. Оны танымал еткен фильм – Guddi. Джая Амитабх Батччанға ғашық болып, онымен бірге бірнеше киножобаларға түседі. Кейін Амитабхқа күйеуге шығып, өзінің мансабынан бас тартады. Ұзақ жылдар бойы киноға түспесе де, саясатқа белсенді араласады. Балаларға арналған бағдарламалар жасаған. Көптеген сыйлықтардың иегері, оның ішінде үнді киносына қосқан зор үлесі үшін special Life Time Achievement award (1998) сыйлығын алған. Қазіргі кезде Джайя киноларға сирек түседі, оны көбінесе саясат қызықтырады.