Джеффри Безос

Джеффри Престон «Джефф» Безос (ағылш. Jeffrey Preston «Jeff» Bezos; 12 қаңтар 1964, Альбукерке, Нью-Мексико, АҚШ) — американдық кәсіпкер, Amazon.com интернет-компаниясы мен Blue Origin аэроғарыш компаниясының негізін қалаушы.

Джефф Безос
ағылш. Jeff Bezos
Туған кездегі есімі	ағылш. Jeffrey Preston Jorgensen
Туған күні	17 қаңтар 1964 (1964-01-17) (60 жас)
Туған жері	Альбукерке, Нью-Мексико, АҚШ
Азаматтығы	АҚШ
Білімі	Принстон университеті (1986)

The Washington Post баспасының иесі. 2018 жылы Forbes бойынша ең бай адам болды, ол бірінші орынды 135,6 миллиард доллар табыспен иеленді. 2021 жылдың 7 қаңтарында оны Илон Маск екінші орынға аударып тастады.

Өмірбаяны

Джефф туылған кезде оның анасы мен әкесі 17 жаста ғана болған. Жас әкесі баланың өміріне араласпауға шешім қабылдады, сондықтан Джефф оның есімін алған жоқ. Бала 4 жаста болған кезде, анасы болашақ миллиардерді қабылдаған және көтерген мексикалық Майк Безосқа үйленді. Мектепте Джефф жақсы оқушы болған. Ол әрдайым инжинирингке және физикаға тартылып, кейін информатика және инжинирингке қызығушылық танытты. Джефф Принстон университетін 1986 жылы электротехника және информатика мамандығы бойынша бітірді. 1994 жылдың басына дейін Уолл-стритте түрлі лауазымдарда жұмыс істеді. Кейін D. E. Shaw & Co компаниясының вице-президенті қызметін атқарды. Бұл лауазымды 1994 жылдың жазында босатты. 1995 жылы шілде айында Джефф Безос 300 мың доллар көлемінде инвестицияларды алып, Amazon.com сайтын іске қосты. Бірнеше жылдан соң Джефф бизнес-мүдделерін кеңейтіп, Blue Origin аэроғарыштық компанияны құрды. 1992 жылы Безос Нью-Йорк қаласындағы Манхэттендегі D. E. Shaw компаниясында ғылыми қызметкер болған Маккензи Таттлді кездестірді. Жұп бір жылдан кейін үйленді. Олар төрт баланың ата-анасы болған: үш ұл және бір қызы. 2019 жылдың 9 қаңтарында Джефф Безос әйелімен 25 жыл некеден кейін ажырасу туралы жариялады.

Amazon

1993 жылдың соңында Безос онлайн-кітап дүкенін бастау туралы шешім қабылдады. Ол D. E. Shaw & Co компаниядағы жұмысын тастап, 1994 жылғы 5 шілдеде бизнес-жоспарын жазған соң гаражында Амазонды құрды. Бастапқыда Безос өзінің жаңа компаниясын Cadabra деп атады, бірақ кейінірек Оңтүстік Американың Амазон өзеніне арнап, Amazon атауына өзгертті, себебі оның аты әліпбидің басында тұрған А әрпінен басталады. Ол ата-анасынан шамамен 300 000 АҚШ долларын қабылдап, Amazon-ға инвестициялады. Амазон бастапқыда онлайн-кітап дүкені болғанымен, Безос әрқашан басқа өнімдерді де қосып, дүкенін кеңейтуді жоспарлаған. Безос Amazon негізін қалағаннан үш жыл өткен соң, компанияның акцияларын IPO-ға шығарды.

Джефф Безостың қағидалары

1)Көбірек ұйықтаңыз.

2)Таңертең шырынбаңыз және дәмді таңғы ас алыңыз.

3)Іскерлік және жеке нәрселерді араластырмаңыз.

4)Ең жақсы әйелге үйленіңдер.

5)Көп тапсырмаларды бір уақытта жасаудан бас тартыңыз.

6)Өз идеяларыңызды қорғаңыз.

7)Ақшаны үнемдеңіз.

8)Жаңа жобалар жасаңыз.

9)Көп оқыңыз.

10)Кейін өкінбеу үшін тәуекелге бел буыңыз.

Дереккөздер

https://ru.wikipedia.org/wiki/%D0%91%D0%B5%D0%B7%D0%BE%D1%81,_%D0%94%D0%B6%D0%B5%D1%84%D1%84 https://www.mk.ru/economics/2019/01/05/10-pravil-zhizni-samogo-bogatogo-cheloveka-mira-dzheffa-bezosa.html https://www.iphones.ru/iNotes/773076 https://www.shopolog.ru/metodichka/other/20-vyskazyvaniy-dzheffa-bezosa-glavy-amazon-com/ https://24smi.org/celebrity/28321-dzheff-bezos.html