Джонс Хопкинс университеті
Джо́нс Хо́пкинс университеті (ағылш. Johns Hopkins University) — АҚШ-тың Мэриленд штатының Балтимор қаласында Джонс Хопкинспен ашылған, жекеменшік зерттеу университеті. Университеттің филиалдары Нанкин (Қытай) және Болонья (Италия) қалаларында орналасқан.
| Джонс Хопкинс университеті | |
| Университет атауы | |
|---|---|
| Халықаралық атауы | Johns Hopkins University |
| Жалпы сипаттамасы | |
| Құрылған жылы | 1876 |
| Түрі | жекеменшік |
| Бюджет | $ 2,99 млрд. (2013) |
| Орналасуы | |
| Орналасқан жері | Балтимор, Мэриленд, АҚШ |
| Әкімшілік | |
| Президенті | Рональд Дэниелс |
| Негізгі көрсеткіштер | |
| Оқытушылар | 3 100 |
| Бакалавриат | 6 023 |
| Магистратура | 14 848 |
| Сайты | https://www.jhu.edu/ |
өңдеу  |
|
2013 жылы Джонс Хопкинс университеті әлем университеттерінің академиялық рейтингінде 17-ші орынды және THE рейтингінде 15-ші орынды алды, онымен мұнда жұмыс істеген Нобель сыйлығының 36 лауреатының ғылыми және зерттеу жұмыстары байланысты. Хопкинс университеті әлемнің ең атақты университеттерінің бірі.
Университет халықаралық ғылыми Гордонов конференциясының негізін қалаушы болып табылады.
Тарихы
өңдеуУниверситеттің ашылу салтанаты университеттің тұңғыш президенті Даниэль Койт Гилманды ұлықтауға сәйкес 1876 жылдың 22 ақпанында өтті. Бұл оқиға Америка Құрама Штаттарының 100 жылдық мерейтойы мен АҚШ-тың тұңғыш президенті Джордж Вашингтонның туған күніне ұштастырылды.
Д. Гилман өз сөзінде университеттің миссиясын белгіледі:
Ол ұсынған миссияның мағынасы қарапайым және бүгінде өзгеріссіз қалуда, бірақ Гилманның «Ғалам үшін білім» сөздері әлі де жиі қайталанады. Құрылған оқу орны ақыр аяғында мемлекет және адамзат игілігі үшін, ғылым және зерттеу арқылы білімді жылжытуға арналған зерттеу университетіне айналды . Гилман оқу және зерттеу бір-бірімен өзара байланысты деп ойлайтын. Гилман философиясының Джонс Хопкинс университетінде және өзге мекемелерде де жүзеге асырылуы кейінірек университет ғалымдарын да тартты, АҚШ-тағы жоғары білімді қайта жаңғыртып, бүкіл зерттеу университеттер жүйесінің құрылуына алып келді. 130 жылдан астам уақыт өтсе де, университет білім және зерттеу салаларында әлемдік деңгейде көшбасшылық етуде.
Университеттің құрылымы
өңдеуУниверситеттің құрамына сегіз мектеп, Пибоди консерваториясы және қолданбалы физика зертханасын қамтитын бес кампус кіреді.Балтиморда университеттің үш кампусы орналасқан. Хомвуд кампусында, қаланың солтүстік бөлігінде: өнер және Кигер ғылымы мектебі, инженерлік және педагогикалық мектептер орналасқан. Шығыс Балтиморда кампустың ауданында медицина, мейірбике және қоғамдық денсаулық және денсаулық сақтау мектептері, сондай-ақ Джонс Хопкинс госпиталі орналасқан. Балтимордың орталығында 1977 жылы университеттің құрамына енген Бизнес-мектеп және Пибоди консерваториясы орналасқан. Вашингтонда халықаралық қатынастар, әлемдік экономика, дипломатия және саясат саласындағы дипломды мамандарды дайындауға бағытталған, әлемдегі жетекші мектептердің бірі Алдыңғы қатарлы Пол Нитце халықаралық зерттеулер мектебі орналасқан. Университеттің филиалдары Болонья (Италия) және Нанкин (Қытай) қалаларында бар. Қолданбалы физика зертханасы (APL) — Мэриленд штатының Лорел қаласы маңындағы Хуард округінде тіркелген, университеттің бөлімшесі. Зертхана білім беру қызметін атқармайды, ол тек қана ғылыми-зерттеу, құпиялы жұмыстарды, ең алдымен АҚШ қорғаныс министрлігінің және НАСА-ның тапсырыстарын орындаумен айналысып, қорғаныс мердігер қызметін атқарады.
Университеттің президенттері
өңдеу- Даниэль Гилмен (1875 жылдың мамыры — 1901 жылдың тамызы)
- Айре Ремсен (1901 жылдың қыркүйегі — 1913 жылдың қаңтары)
- Франк Гуднау (1914 жылдың қазаны — 1929 жылдың маусымы)
- Эймс, Джозеф (1929 жылдың шілдесі — 1935 жылдың маусымы)
- Исайя Боумен (1935 жылдың шілдесі — 1948 жылдың желтоқсаны)
- Детлев Бронк (1949 жылдың қаңтары — 1953 жылдың тамызы)
- Ловелл Рид (1953 жылдың қыркүйегі — 1956 жылдың маусымы)
- Милтон Эйзенхауэр (1956 жылдың шілдесі — 1967 жылдың маусымы)
- Линкольн Гордон (1967 жылдың шілдесі — 1971 жылдың наурызы)
- Милтон Эйзенхауэр (1971 жылдың наурызы — 1972 жылдың қаңтары)
- Стевен Мюллер (1972 жылдың ақпаны — 1990 жылдың маусымы)
- Вильям Ричардсон (1990 жылдың шілдесі — 1995 жылдың шілдесі)
- Даниэль Натанс (1995 жылдың маусымы — 1996 жылдың тамызы)
- Вильям Броуди (1996 жылдың тамызы — 2009 жылдың ақпаны)
- Рональд Даниэльс (2009 жылдың наурызы — қазіргі таңға дейін)
АҚШ әйелдерінің жоғары білім алу үшін күресі
өңдеуХІХ ғасырда АҚШ әйелдерінде жоғары білім алу мүмкіндігі туып, жеке университеттер мен бөлек факультеттерге қабылдау ашылды. Джонс Хопкинс университетінде әйелдер үшін тек медициналық факультет ашылған болатын. Әйелдерді өзге факультеттерге қабылдау тек президент Айре Ремсененің (1907) тұсында ашылды.
Кристина Ладд-Франклин Джонс Хопкинс университетіндегі, математикадан PhD дәрежесіне (1882 жыл) үміткер алғашқы әйел. Алайда, қамқоршылар оның дәрежесін қабыл алмай, әйелдерді кіргізу келісімінен бас тартқан; Ладд-Франклин өзінің дәрежесін тек 44 жыл өткен соң алған. Университетте алғашқы болып 1893 жылы PhD дәрежесін алған әйел Флоренция Баскомб.