Джуанг

Джуанг (өз аты Хуанг, Патрасара) — Үндістанның Орисса штатында тұратын халық (шығыстан батысқа шамамен 300 км және солтүстіктен оңтүстікке шамамен 500 км). Жалпы саны 49 мыңға жуық адамды құрайды.

Джуанг
Хуанг, Патрасара
Бүкіл халықтың саны
49 000
Ең көп таралған аймақтар
Үндістан
Тілдері
джунг тілі, ория тілі
Діні
дәстүрлі сенімдер

Тілі

Олар джунг тілінде сөйлейді. Ория тілі де кең тараған.

Діні

Дінге сенушілердің діни наным-сенімдері: дәстүрлі сенім.

Кәсібі

Дәстүрлі кәсібі қолмен атқарылатын егіншілік (тары, майлы дақылдар, күріш), аң аулау, терушілік және балық аулау; көптеген джуанглар темекі өнеркәсібіне арналған кеду жапырақтарын жинаумен айналысады. Өндіріс әдісіне сәйкес үнді тайпалары 6 топқа бөлінеді. Джауанг жинаушылар мен аңшыларға жатады. Олар қоржын тоқудың шеберлері, себеттерін ауыл саудагерлерінен тұз, май, тамақ және ақшаға ауыстырды.

Өмір салты

Джуангтарда көсемдер (падхан), діни қызметкерлер (байта, нагам немесе нигам), руға бөліну, бойдақтардың үйлері (мандагхар және жанрибаса), рулар арасындағы неке алмасу жүйесі, қалыңдық үшін төлем, жесірлердің қайта некеленуі бар.

Дәстүрлі баспаналары

Джуанг ауылдарында 10-15 тұрғын үй бар. Пішіні төртбұрышты, қабырғалары балшықпен сыланып, бамбукпен қапталған, шатырлары пальма жапырақтары мен арнайы шөптерден жасалған. Үйшіктердің биіктігі шамамен 6-8 фут, есіктері өте төмен. Тұрғын үйдің өзі 2 бөлмеге бөлінген: отбасының әкесі мен оның барлық әйелдері бір бөлмеге жиналса, екіншісі қосалқы бөлме ретінде пайдаланылады. Жігіттер ауылға кіре берістегі бөлек үйшіктерде тұрады. Әдетте олардың үйлері қонақ үй немесе кездесу орны ретінде пайдаланылады.

Сілтеме

• Ортаққорда бұған қатысты медиафайлдар бар: Джуанг