Диоген Лаэртс

Диоген Лаэртс (Гр: Διογένης Λαέρτιος, Diogénēs Laértios, ІІІғ жасаған) —- ежелгі грек философтарының биографиясын жазушы. Оның өмірі туралы көп нәрсе анық емес, тек ол жазған «Ұлы философтардың өмірі, ілімдері және нақылдары» кітабы ежелгі грек философиясы тарихы туралы аса маңызды дереккөздердің бірі есептеледі. Оның оқымыстылар мен зерттеушілер арасындағы беделі қайшылықты: көптеген деректерге еш сыни талдау жасамаған, тақырыптардың (subjects) ұсақ және маңызсыз бөліктеріне тым көп мән беріп, маңызды бөліктерді ескерусіз қалдырған, алғашқы және кейінгі философиялық мектептерді де шатастырған делінеді. Бірақ, басқа көптеген екінші қол авторларға салыстырғанда, Диоген Лаэртс өзі таныстырған философтардың идеяларын түсіндіруге тырыспаған, сол бетінше жеткізуге тырысқан, демек оның қалдырған деректері ежелгі кітаптары жойылған философтар идеясына барынша жақын келеді деп есептеледі. Диоген Лаэртс негіз еткен басты дереккөздердің көбі жоғалғандықтан, оның бұл еңбегі Грек философия тарихы туралы аса маңызды құжат есептеледі.

Итальян Ренессанс ғалымы, суретші, философ және сәулетші Леон Баттиста Альбертидің (1404–1472) Диоген Лаэртстің Талездің өмірі атты шығармасына жасаған автобиографисына салған кескіні.