Ди-джей

Ди-джей (ағылш. DJ disc jockey — диск-жокей) - музыкалық хабардың жүргізушісі. Ең алдымен оның музыканы жақсы түсінуі шарт. Сол аудитория тыңдаушыларының сөйлеу стилін меңгеруі керек. Сөзде қолдану үшін емес, тыңдармандарды түсіну үшін жаргондарды да білгсні жөн. Егер өз тыңдаушыларынан бөлек жоғары тонды сөздерді қолданып тұрса - аудитория түсінбей, қажетсіз пауза пайда болуы мүмкін. Сондықтан, неғұрлым ортақ тіл табысқаиы дұрыс.

Диджей

Ди-джей адамдарды тыңдай білетін, түсіне алатын психолог та болады. Эмоциялық ұстамды болғаны жөн. Білімділік, интеллектілік аса қажет. Шет елдердегі ди-джейлікті бірнеше жоғары оқу орындарын бітірген, кез келген саладан хабардар, жасы толысқан адамдар атқарады. Оның тәжірибесі, көрген-білгені жеткілікті болмаса, сөйлер сөзі де болмайды. Әрине, қосымша ізденістер қажет. Мысалы, эстрада әншісінің сахнадағы, сахнадан тыс өмірі, әдеттері, көзқарасы т.б. туралы көбірек деректер, дайындық қажет.

Эфир жүргізушілері, жаңалықты жүргізушілер, ди-джейлер радионың форматына тәуелді болады. Аудиторияның ерекшелігіне жүгінеді, егер ересек адамдар болса, естеліктер, әңгімелер айтып, әңгіме-дүкен құрғанды ұнатады. Ал жастар аудиториясы күлкілі жайларды, көңілді музыканы талап етеді. Сондықтан, бағдарлама жүргізушілері кез келген аудиторияны үйіріп алатындай болуы керек. Ди-джей мен бағдарлама жүргізушісіне тарқатып жеке анықтама берудің қажеті жоқ: екеуі де аудиториямен, халықпен жүмыс істейді. Екеуіне де қойылар талап ортақ. Тек ди-джейге қосымша музыкалық білім қажет. Қазіргі европалық музыканттарды, ресей жұлдыздарын, қазақ «эстрадасының қаймақтарын жете білетін, музыка әлемінің небір жаңалықтарын біліп, аудиторияның талғамын дөп басып, көңілдерінен шығып жататын ди-джейлер бар.

Диджеингі туралы түсінік

Диск-жокей деген сөзді ең бірінші рет 1935 жылы комментатор Уолтер Уинелл айтқан. Бұл терминді ол радио жүргізуші Мартин Блокке, ең бірінші диджейге, арнап айтқан.

Қазіргі уақытқа дейін бұл сөз DJ деген бізге ыңғайлы аббревиатураға дейін қысқартылды. Содан соң бұдан диджеинг (ағыл. DJing), (диджейдің ісі) деген сөз пайда болды.

Юнесконың шешімімен 2002 жылдан бастап, 9 наурызда Диджей күнін тойлай бастады. ^{[дереккөзі?]}

Композициялардың арасында жағымды ауысуды екі «ойнатқыш» және «микшер» арқылы жүргізіледі. «Микшер» осы екі ойнатқыштан шығатын әуендерді бірін–біріне салып бір әуеннен басқа әуенгеге жағымды ауысу жасайды. Осындай тоқтаусыз операциялардың өнімін «микс» деп атайды.