Доломиттенген әктас

Доломиттенген әктас — құрамындағы кальцит минералы доломит минералымен азды-көпті алмасқан әктас. Доломит минералын өте аз мөлшерде кіріктіретін таза әктастан түгелге жуық туынды доломиттерден тұратын таза доломит тау жыныстары аралығындағы барлық түрлері де ұшырасады. Бұл терминді "доломитті әктас", "доломиттілеу әктас" терминдерімен шатастырмау керек, себебі доломиттенген әктастарды анықтайтын оның құрамындағы кальцит және доломит минералдарының бір-біріне мөлшерлік қатынасы емес, доломит минералының кальцит минералы есебінен қалыптасатындығы.