Донголар

Донголар (өз аты; доу донго) — бима-сумбан халықтарына жататын Индонезия халықтарының бірі. Донголар Сумбава аралының шығысындағы таулы аймақта тұрады. Донголар аралдың байырғы халқы болуы мүмкін. Жалпы саны 50 мың адам.

Донголар
доу донго
Бүкіл халықтың саны
50 000
Ең көп таралған аймақтар
Индонезия
Тілдері
бима тілі
Діні
дәстүрлі сенімдер

Тілі

Тілі - бима тілі.

Діні

Дінге сенушілер дәстүрлі сенімдерді ұстанады.

Кәсібі

Донголар қолмен атқарылатын егін шаруашылығымен (күріш және түйнектер) айналысады. Олар ірі жануарларды найзамен, ал құстар мен маймылдарды үрлейтін мылтықпен (сумпитан) аулайды. Бұрын жағалауда өмір сүрген, балық аулаумен айналысқан, бұған жылына бір рет қатаң сақталатын тасбақаларды аулау дәстүрі дәлел.

Өмір салты

Отбасы кішкентай. Некеге дейінгі жыныстық қатынасқа рұқсат етіледі. Әр ауылда кездесуге арналған үйлер бар. Ата-анасы ресми некеге тұрғанға дейінгі балалар ананың үйінде тұрады.

Елді мекендері мен дәстүрлі баспаналары

Елді мекендері шоғырланып орналасқан, ортасында ата-бабадан қалған қасиетті орындар орналасқан және рәсімдер орындалатын алаң бар. Тұрғын үйлері қаңқалы-бағаналы, қадалы, жерге тік түсетін шатырдың астында.

Дәстүрлі киімдері

Ерлердің киімдері иық пен жамбасты жауып тұратын кең матадан тұрады. Әйелдер матадан қысқа белдемше немесе каин киеді.

Дәстүрлі тағамдары

Азық-түлік – негізінен көкөністер, қайнатылған жарма және тамыр дақылдары. Мереке күндері ет жейді.