Дриопитек

Дриопитек (Dryopіthecіnae, грек. drys — орман және pіthekos — маймыл) — қазбадан табылған адам тәрізді маймылдардың бір түрі. ғалымдардың пікірі бойынша, дриопитек ағаш басында, ашық жерде де тіршілік еткен және адам тәрізді маймылдардың арғы тегі болған. Олардың ішінде Дарвин дриопитегі деген түрі басқаларына қарағанда адамға жақындау. Оның қаңқа қалдықтары (жақ, иектері, тістері, қол-аяқ қаңқалары) Австрия жеріндегі миоцен қабаттарынан табылған. Дриопитектің сыртқы пішіні қазіргі шимпанзе, бонобо маймылдарына ұқсас. Бұдан 14 млн. жыл бұрын өмір сүрген Кения жерінен табылған Африка дриопитегінің (кенияпитек) тісінің құрылысы адам тісіне ұқсастығы анықталды. Дриопитектің орталық жүйке жүйесі жақсы дамыған. Олардың тісінің, басқа қаңқа сүйектерінің қалдығы Батыс Еуропа, Оңтүстік Азия, Шығыс Африка жерлерінен табылды. Бұдан 7 — 12 млн. жыл бұрын тіршілік еткен дриопитектен горилланың, шимпанзенің арғы тегі таралған және дриопитек бұдан 9 млн. жыл бұрын біржола жойылып кеткен деген пікірлер де бар.

Дереккөздер

Қазақ энцклопедиясы