Дулатов атындағы көше (Алматы)

Көшеге қоғам қайраткері, ақын, жазушы, публицист, ғалым, «Алаш» партиясының белсенді мүшесі, сталиндік репрессияның құрбаны Міржақып Дулатовтың есімі (Алматы қаласы әкімінің 23.09.1997 № 543 шешімі) берілген. Міржақып Дулатов Қостанай облысының Жангелді ауданындағы Қазыбел ауылында дүниеге келген. Оның «Оян, қазақ» өлеңі XX ғасыр басындағы қазақ халқының марсельезасына айналды. Ал «Бақытсыз Жамал» шығармасында автор сол кездегі қазақ халқының әлеуметтік-саяси жағдайын ашып жазған.

Көше Түрксіб ауданында орналасқан. Жансүгіров, Кассин, Сейфуллин даңғылдары, Бехтерев, Ақан Сері, Терехин көшелерімен қиылысады. Бұрынғы атауы - Варшавская көшесі. Көшенің ұзындығы - 1800 метр.