Дүйсембай

Дүйсембай - Қалмаққырылған өзенінің саласы. Қарағанды облысының Ұлытау ауданы жерінде. Ұзындығы 110 км, су жиналатын алабы 1,7 мың км².

Дүйсембай өзені
Сипаттамасы
Ұзындығы 110 км
Су алабы Қалмаққырылған өзені
Су ағысы
Бастауы Майтөбе тауының беткейіндегі бұлақтар
Сағасы Қалмаққырылған өзенінің оң жағы
Орналасуы
Ел  Қазақстан
Аймақ Қарағанды облысы

БастауыӨңдеу

Майтөбе тауының беткейіндегі бұлақтар мен Тасқұдық бұлағының (Қарсақпай қалашығының батысында 7-8 км жерде) қосылуынан түзіліп, Қарадыр мекенінен шығысырақ Қалмаққырылған өзеніне оң жағынан кұяды.

ГидрологиясыӨңдеу

Жағасы биік, жарқабақты, арнасы ирелең. Кектемгі еріген қар және жер асты суымен толысады. Сәуірде тасиды, жаздың ыстық айларында жекелеген қарасуларға бөлініп қалады. Арнасы жоғары ағысында тар әрі терең, сағасында 50 — 60 м-ге дейін кеңейеді. Ірі салалары: Елемессай, Төретамсай, Тоқалсай, Қырықсай. Өзен алабында жайылымдық жерлер мен қыстаулар бар. Өзен суы ауыз суға және мал суаруға пайдаланылады.[1]

ДереккөздерӨңдеу

  1. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5