Дәмжапырақ немесе Лавр (лат. Laurus) - Лавр тұқымдасына жататын субтропикалық мәңгі жасыл ағаштар не бұталар тегі. Көбіне Жерорта теңізінің жағалауынан таралған. Мәңгіжасыл, бұтақты өсімдіктерге жатады. Гүлдері ақ түсті, ұсақ, ерекше әдемі емес, жапырақтары қатты, қабықты болып келеді. Дәмжапырақтың жапырақтары ежелден Грекия елінде жеңістің, даңқ пен ұлылықтың белгісі ретінде жоғары бағаланады. Оның құрамында эфир майы, цинеол, капрон, сірке қышқылы бар. Табиғатта өсетін дәмжапырақты көптеген ауруларды емдеуге қолданады. Отанында табиғатта өссе, Қазақстанда дәмжапырақтың Laurus nobilis деген түрін үй жағдайында өсіреді. Жапырағының ұзындығы 10 см. Тәбет ашатын қасиеті үшін, жапырақтарын тағамға қосады. Көктем кезінде гүлдейді. Гүлінің түсі ақ, алтын түстес. Күтімі өте жеңіл, шыдамды, ауруларға шалдыға бермейді. Ағаш секілді үлкен болып кететіндіктен, сабақтарын кесіп, бойының биіктігін белгілі бір қалыпта сақтауға болады.

Дәрімжапырақ
Laurus nobilis Laurel tree.jpg
Ғылыми топтастыруы
Дүниесі: Өсімдіктер
Бөлімі: Magnoliophyta
Табы: Magnoliopsida
Тегі: Дәрімжапырақ

Биологиялық сипаттамасыӨңдеу

 
Лавр гүлінің диаграммасы

Жапырағы кезекті орналасқан, қалың, беті жылтыр. Гүлі ұсақ ақшыл сары, шатыр тәрізді гүл шоғырына жинақталған. Жемісі қара көк, бір тұқымды.

ЖарығыӨңдеу

Жарық және алакөлеңкелі жерде де өсе береді.

ЖылуыӨңдеу

Қыста температура 12-15 °C - дан төмен болмағаны дұрыс.

СуғарылуыӨңдеу

Қыс кезінде сирек, жаз бен күз аралығында мол суғарады.

ЫлғалдылығыӨңдеу

Жапырақтарына күнделікті су бүркіп тұрған жөн.

ҚоректендірілуіӨңдеу

Көктем және жаз айларында арнайы тыңайтқышпен айына бір рет қоректендіру қажет.

АуруларыӨңдеу

Жапырақтары шаң болып кетсе, зиянкестерге шалдығуы мүмкін.

КөбейтілуіӨңдеу

Тұқымы, қалемшесі, өскіндері арқылы көбейтуге болады[1]

СілтемелерӨңдеу

ДереккөздерӨңдеу

  1. "Гүлстан" республикалық ғылыми-танмыдық, көпшілік журнал, 2010 жыл ISSN 2078-6727.