Дәрібай Ханкерейұлы

Дәрібай Ханкерейұлы Ханкереев (1890, №24 ауыл, Елек уезі, Орал облысы, Ресей империясы — 2 наурыз 1938, Алматы, Қазақ КСР) — қазақ кеңестік саясаткер, мемлекет қайраткер.

Дәрібай Ханкерейұлы
Лауазымы
Ту Қазақ АКСР жеңіл өнеркәсіп халық комиссары Ту
тамыз 1932 — шілде 1933
Ізашары	Яков Беликов
Ізбасары	Хасен Қошанбаев
Ту Қазақ АКСР әлеуметтік қамсыздандыру халық комиссары Ту
мамыр 1925 — қазан 1925
Ізашары	Әліби Жангелдин
Ізбасары	Әліби Жангелдин
Ақтөбе губерниялық атқару комитетінің төрағасы
2 желтоқсан 1923 — 24 наурыз 1924
Ізашары	Тілеужан Мұқашұлы
Ізбасары	Әзімбай Лекерұлы
Өмірбаяны
Партиясы	БК(б)П (1920 ж. бастап)
Дүниеге келуі	1890 (1890) №24 ауыл, Елек уезі, Орал облысы, Ресей империясы
Қайтыс болуы	2 наурыз 1938 (1938-03-02) Алматы, Қазақ КСР

Өмірбаяны

1890 жылы Ресей империясының Орал облысы Елек уезінің 24-ауылында шаруа және қызметкердің отбасында дүниеге келген. Қазақ, БОАК ұйымдастыру бөлімінің сауалнама барағында қырғыз деп көрсеткен. 1920 жылдан бастап Коммунистік партияның мүшесі.

1905 жылы Електегі 2 сыныптық мектепті бітірген.

1906-1914 жылдары таратушы, аудармашы, түптеуші, іс жүргізуші қызметтерін атқарған.

1914-1917 жылдары іс жүргізуші болып жұмыс атқарып, 1917-1919 жылдары қожалықпен айналысты.

1920 жылдың ақпан-мамыр айларында ҚАКСР ІІХК нұсқаушысы болып жұмыс істеді.

1921 жылдың қазан-қарашасы — ҚАКСР ІІХК Елек БСК басқарма бөлімінің меңгерішісі болды.

1921 жылдың қарашасы – 1922 жылдың мамыры — ҚАКСР ІІХК басқарма бөлімінің меңгерішісі және ұйымдастыру бөлімінің меңгерушісі болды.

1922 жылдың қыркүйегінен 1923 жылдың қыркүйегіне дейін Қырғыз (Қазақ) АКСР Қырмилициясы басшысы, ҚАКСР ІІХК алқасының мүшесі.

1923 жылдың 2 желтоқсанынан бастап Ақтөбе губерниялық атқару комитетінің төрағасы.

1925 жылдың наурызына дейін Семей губерниялық революциялық комитет-атқару комитетінің төрағасы болды.

1925 жылдың мамыр-қазан айларында ҚАКСР әлеуметтік қамсыздандыру халық комиссары болды.

1925-1927 жылдары — «Қосшы» одағының төрағасы болды.

1927-1928 жылдары — Мақат мұнай кәсіпшілігі басшысының орынбасары болды.

1928-1929 жылдары — Гурьев округіндегі Доссор мұнай кәсіпшілігі басшысының көмекшісі болды.

1929-1932 жылдары — Гурьев қаласындағы «Ембімұнай» тресі басшысының орынбасары болды.

1932 жылдың наурыз-қазан айларында ҚАКСР жеңіл өнеркәсіп халық комиссарының бірінші орынбасары болды.

1932 жылдың тамызынан 1933 жылдың шілдесіне дейін ҚАКСР жеңіл өнеркәсіп халық комиссары болды.

1934 жылы — БК(б)П Маңғыстау, Форт-Александровский аудандық комитетінің жауапты хатшысы қызметін атқарды.

1937 жылы 23 қыркүйекте Гурьев облысы бойынша ІІХКБ қызметкерлерімен тұтқынға алынды. 1938 жылы 2 наурызда КСРО Жоғарғы Сотының Әскери алқасы РКФСР Қылмыстық кодексінің 58-2, 58-7, 58-8, 58-11-баптарында көзделген қылмыстар туралы айыпты дәлелденген деп танып, оған ең қатаң жазалау шарасы жайлы үкім шығарды. Үкім шығарылған күні атылды. 1959 жылы 19 ақпанда КСРО Жоғарғы Сотының Әскери алқасы: қылмыс құрамының жоқтығы үшін ақтады.

Қоғамдық жұмысы

• 1920 жылы болыстық, 1920 және 1921 жылы уездік, 1921 жылы губерниялық, 1924 жылы бүкілресейлік Кеңестер съездеріне қатысушы.
• 1921 жылы мамыр-шілде. Орал губерниялық атқару комитетінің хатшысы.
• 1924 жылдың 13 қаңтарынан бастап Қырғыз орталық атқару комитетінің мүшесі.

Сілтеме

• Қазақстан наркомдары, 1920—1946 жж: өмірбаяндық анықтамалық / Құрас. М. Х. Жакыпов, А. С. Зулкашева, А. Н. Ипмагамбетова, Е. В. Чиликова. — Алматы: «Арыс» баспасы, 2007. — Б. 347.