Евгений Владимирович Гончаров

Евгений Владимирович Гончаров (16.01.1981 жыл, Ақтөбе) - спортшы, Орыс.

Анасы - Гончарова Валентина Григорьевна (1952 жылы туған), «Ақтөбе нан» АҚ наубайханашысы.

Ғ. Жұбанов атындағы Ақтөбе мемлекеттік университетінің дене тәрбиесі факультетін (2004) жаттықтырушы-оқытушы мамандығы бойынша бітірген. Қазіргі уақытта - Ақтөбе экономика және статистика институты қаржы және несие факультетінің студенті.

2005 жылдан бері - «Көктас-Фитнес» тренажер залының менеджері. 2009 жылдан бері - «Алатау» сауда және көңіл көтеру кешені бас директорының орынбасары.

«Ақтөбе аймақтық «Славяне» орталығының» мүшесі.

Гир спортынан Әлем чемпионы, Қазақстанның 13 мәрте чемпионы, әлем рекордшысы, гир спортынан Қазақстанның абсолюттік рекордшысы. «Облысқа сіңірген еңбегі және спорт дамуына қосқан үлесі үшін» Ақтөбе облысы әкімінің алғыс хаттары табыс етілген (2005, 2007, 2008, 2009).

ҚР абсолютты рекордсмені (екі мәрте); әлем рекордсмені (Харьков, 2000); әлемнің 6 мәрте чемпионы; кір тасы спорты бойынша ҚР 3 мәрте чемпионы; әлемнің қола жүлдегері (Санкт-Петербург, 2001); бөлек жаттығулар бойынша - серпуден (Гамбург, 2004), ұзын цикл бойынша - серпу мен жұлқудан (Қазан, 2004) әлем чемпионы; әлөм чемпионы (Харьков, 2005).

Кір тасы спорты бойынша ҚР Еңбек сіңірген спорт шебері. Ақтөбе облысының үздік спортшысы (2008). Кір тасы спорты бойынша ҚР үздік спортшысы (2009).

• Үйленген. Жұбайы - Гончарова Елена Николаевна, бухгалтер.
• Қызы - Гончарова Евангелина Евгеньевна (2003 жылы туған).