Екатерина Сергеевна Максимова
Екатерина Сергеевна Максимова (1 ақпан 1939, Мәскеу, КСРО — 28 сәуір 2009, Мәскеу, Ресей) — 1973 жылдан КСРО Халық артисі.
| Екатерина Сергеевна Максимова | |
|---|---|
| Дүниеге келгені: | 1939 ж. ақпанның 1 |
| Қайтыс болғаны: | 2009 ж. сәуірдің 28 (70 жаста) |
Биография
өңдеу1958 жылы Мәскеу хореографиялық училищесін бітіріп, содан бері үлкен театрдың жетекші бишісі. Оның бірінші үлкен рөлі — Ю. Григоровичнің «Тас гүлі» балетіндегі Катерина.
Академиялық мектептің балеринасы, үлкен сахналық сезімге толы, нәзік Максимова бірден көрермендер жүрегін баурап алды. Оның биі жандылығымен, әр қозғалысының тазалығымен, актерлік шеберлігімен ерекшеленді.
Осындай қасиеттерінің арқасында ол жанры жағынан да, әр мінезді партиялар жағынан да түрлі балеттерде биледі. Классикалық репертуар Максимова үшін Галина Улановамен бірге дайындаған Жизель партиясымен басталды. Бұл оның ең үздік рөлдерінің бірі. Балеринаның тағы бір табысты рөлі — «Дон Кихот» балетіндегі Китри.
Екатерина Максимова П. Чайковскийдің барлық балеттерінде биледі. Оның репертуарында Одетта-Одиллия, Маша, Аврора рөлдері бар. Прокофьевтің балеттерінде ол Джульетта мен Золушканың партияларын биледі.
1977—1978 жылдары Максимова табыспен "Гaлeтeя", және "Ескі танго" комедиялық фильм-балеттеріне түсті.[1]
Дереккөздер
өңдеу- ↑ Өнер: Жалпы білім беретін мектептің жаратылыстану-математика бағытындағы 11-сыныбына арналған оқулык/Қ.Болатбаев, Е.Қосбармақов, А.Еркебай. — Алматы: "Мектеп" баспасы, 2007. ISBN 9965-33-998-8
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — тұлға туралы мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |