Екібастұз мешіті
Екібастұз мешіті — Екібастұз қаласының жұма мешіті. Мекенжайы: Естай Беркімбаев көшесі, 165/56 үй.
| Екібастұз мешіті | |
 Сыртқы көрінісінде «Алла» (араб.: الله) деген сөз шығады | |
| Ел | |
|---|---|
| Қала | |
| Статусы |
Қалалық мешіт |
| Ағымы | |
| МДБ | |
| Мешіт түрі | |
| Сәулет стилі |
Күмбезді араб стилі |
| Сәулетшісі |
Жеңіс Хайдаров |
| Имамы |
Бауыржан Отарбаев |
| Жалпы ауданы |
2,8 га |
| Сыйымдылығы |
1000 |
| Күмбездердің саны |
1 |
| Күмбездің диаметрі |
6 м |
| Мұнаралар саны |
2 |
| Мұнаралардың биіктігі |
53 м |
| Картада орналасуы | |
|
| |
Координаттар: 51°42′47″ с. е. 75°18′33″ ш. б. / 51.71306° с. е. 75.30917° ш. б. (G) (O) (Я)
Тарихы
өңдеуБұл мешіт Павлодар облысындағы аса ірі энергетикалық кешен болып табылатын Екібастұз қаласында бой көтерген. Мешіт жергілікті дін жанашырлары мен іскер топ өкілдерінің бірлесе күш салуымен іргетасы қаланып, 1998 жылы біткен. Мешіт 1998 жылдың 11 қыркүйегінде ашылған. Ашылу рәсімінде мүфти Ратбек қажы қатысқан[1]. Құрылысына және қаржыландыруына Екібастұз қаласының бұрынғы әкімдері Р.Жұматаев, Е.Оразалинов, кәсіпкер Е.Арбиев, ғимарат жобасын жасаған қаланың бас сәулетшісі Ж.Хайдаров, көмір өндіруші АҚ президенттері Р.Гайнуллин мен А.Өтегенов еңбек сіңірді. Сонымен қатар Қ.Ақанов, ағайынды Әбғожиновтар және т.б. азаматтар өз қаржылай үлестерін қосты.
Ғимарат сипаттамасы
өңдеуМешіттің ауданы — 2,8 га. Бір үлкен күмбезі бар. Оның шеңберінің диаметрі — 6 м.
Сыртқы көрінісі
өңдеуҮлкен мұнара биіктігінің 53 метрге жеткізілуінің өзіндік мағынасы бар. Мұхаммед пайғамбарға пайғамбарлық 40 жасында келді. Содан кейін 13 жыл өтіп, Мұхаммед пайғамбар 53 жасында Меккеден Мединеге қоныс аударды. Осы оқиғадан бастап ислами жыл санауы басталды (Һижра). Үлкен мұнара осыны аңғартады.
Мешіттің жылыжайында қыста да, жазда да гүл өсіріледі. Төбесі шынымен жабылған.
Ішкі көрінісі
өңдеуЖоғары қабаттағы ауыз үйінің ауданы — 324 м². Неке қиюға арналған бөлме бірінші қабатта орналасқан. Сондай-ақ қызметкерлер үшін 8 бөлме бар. Ішкі және сыртқы қабырғалары ұлттық ою-өрнектермен (сарыарқалық қошқар мүйіз үлгісі) өрнектелген.
Үлкен залдың ұзындығы — 24 м, ені — 18 м. Сол залда салмағы 390 кг хрустальды аспашам ілінген. Сонымен қатар үлкен залда Құранның Фатиха сүресі және Бақара сүресінің алғашқы 10 аяты жазылған. Әйелдер залының ұзындығы — 18 м, ені — 6 м.
Қызықты деректер
өңдеу- Ғимараттың сыртқы көрінісіндегі басты ерекшелігі — он жақтан сол жаққа қарай үлкен мұнарасына, кіші мұнарасына, күмбезіне және батыс жақтағы шатырға қолмен жүргізсе «Алла» (араб.: الله) деген сөз шығады.