Елена Владимировна Хрусталёва

Елена Владимировна Хрусталёва (28 қыркүйек 1980 жыл, Красноярск, КСРО) — биатлоншы, жеке сында 15 км жарыста 2010 жылғы Қысқы Олимпиадалық Ойындардың Қазақстан атынан күміс жүлдегері . 2002 жылғы Қысқы Ойындарда Белоруссия атынан қатысқан, Ресей құрамасында жүріп үш дүркін Еуропа чемпионы.

Елена Хрусталева
Жеке мағлұматтар
Жынысы	Әйел
Азаматтығы	Қазақстан
Мамандандыру	Биатлон
Туған күні	28 қыркүйек 1980 (1980-09-28) (44 жас)

Марапаттар
Әйелдер биатлоны
Қазақстан Олимпиада медальдары
Күміс	2010 Vancouver	15 km Индивидуал

2007 жылы Елена Хрусталёва 2007 жылы Азиа ойындарының екі дүркін чемпионы атанады, содан бері де Қазақстан құрама сапында өнер көрсетеді.

Спорттық мансабында Елена әлем кубоктарында 4 рет үздік ондықта көрінеді, соның ішінде жеке сында 2009 жылы әлем чемпионатында 6-шы орын алады.

2010 жылғы Қысқы Олимпиадалық Ойындардағы көрсеткіштері

• 13 ақпанда 7,5 шақырымдық спринттік бәсекеде Елена Хрусталева 20 минут 19,6 секундпен бесінші нәтижеге қол жеткізді. Қазақстан құрамасының көшбасшысы нысана ату барысында бірде-бір қателікке бой алдырмағанымен, жылдамдық жағынан сәл әлсіздік танытты
• 16 ақпанда биатлоннан із қуып жарысу бағдарламасы бойынша Хрусталева 31 минут 42 секундта нысадан үш рет мүлт кетіп 11 орынды қанағат тұтты.

• 18 ақпанда 20 нысананы көздеуде мүлт кетпеген Хрусталева алғашқы ату айналымынан кейін 13 орынға, одан кейін 6 сатыға жайғасты. Шешуші ату айналымының алдында 4 орыннан көрінген Елена, 15 км жарыста мәреге екінші уақыт көрсеткішпен келді. Хрусталеваның уақыты тек норвегиялық Тора Бергерден 20 секундтқа кем. Әлем үздіктері саналатын германиялық Катя Вильхелм (4 орын) мен Магдалена Нойнер (10), орыс қыздары Медведцева (21) мен Зайцевалар(26) Хрусталеваның шаңына да ілесе алмады.