Елена Суреновна Григорян

Елена Суреновна Григорян (1961 жылы 10 қазанда Әзірбайжан КСР Баку қаласында туған) - суретші.

Елена Суреновна Григорян
Туған күні	10 қазан 1961 (1961-10-10) (63 жас)
Туған жері	Баку, Әзірбайжан КСР
Азаматтығы	Қазақстан  КСРО (1961-1991)
Жанры	кескіндеме, графика, керамика
Атақты қолөнерлері	*«Сретенье» (1993) «Благовещение» (1995) «Апостол» (2000) «Евхаристия» (2001) «Как Улисс» (2007, коллаждар циклы) «Ангел Товия» (2008) «Прогулка византийской принцессы»

Өмірбаяны

Еңбек Қызыл Ту орденді В.И. Ленин атындағы Әзірбайжан педагогикалық институтының көркемсурет-графика факультетін бітірген (1985), мамандығы - «Бейнелеу өнері».

1990 жылдан - Ақтау қаласындағы өнер мектебінің көркем белімінің меңгерушісі.

1998 жылдан - Маңғыстау өнер колледжінің кескіндеме белімшесінің меңгерушісі.

2001 жылдан бері - Алматы қаласындағы №83 өнер мектеп-гимназиясының оқытушысы.

Шығармалары мен көрмелері

Бейнелеу өнерінің түрлері - кескіндеме, графика, керамика. «Сретенье» (1993), «Благовещение» (1995), «Апостол» (2000), «Евхаристия» (2001), «Как Улисс» (2007, коллаждар циклы), «Ангел Товия» (2008), «Прогулка византийской принцессы» жұмыстарының авторы (2008).

Ақтау қаласының облыстық көрме залында (1992, 1994); «Діңінен ажыраған кеңістік» («Тәңірі - Ұмай» галереясы, 1996); Anno Domini («Тәңірі - Ұмай» галереясы, 1999, «Ковчег» галереясы, Ақтау қаласы, 1999); The light of the world (АҚШ, 2000); «Тіршілік түтінінде де өрнек бар» (Орталық көрме залы, Алматы қаласы, 2003); «Эдем алабында серуендеу» («Тәңірі - Ұмай» галереясы», 2003); «Бесінші күн» («Вояджер» галереясы, Алматы қ., 2006); «Бірге» (Невзоровтардың бейнелеу өнері мұражайы, Семей қаласы, 2006; «Арвест» галереясы, Алматы қаласы, 2008); En el principio (Барселона қаласы, Испания, 2008; Тосса де маар қаласы, Испания, 2009); «Кездесу» («Алматы АРТ-орталығы» галереясы, 2008); «Улисстәрізді» («Тәңірі - Ұмай» галереясы», 2009) атты жеке кермелерін еткізген. «Маңғыстауға сапар мен шеру» (Ақтау қаласы, 2003-2004); Халықаралық «Азияның шырқау күмбезі астында» Ленд-арт симпозиумы (2005-2007); «АІіа Тетрога» («Тәңірі - Ұмай» галереясы», 2005); «Айнала аймақ», И. Бродскийді еске алу кермесі («Вояджер» галереясы, 2005); «Art Bridge.

Қазіргі Орталық Азия мен Закавказье медиа кеңістігіндегі кескіндеме» (Ә. Қастеев атындағы Мемлекеттік енер мұражайы, 2006); Халықаралық «Ашық Каспий» фестивалі аясындағы «Каспий - достық теңізі» (Ақтау қаласы, 2006);

«Рождество жобасы» (ARVEST галереясы, 2007-2008) жобаларының кураторы.

Ақтау қаласындағы облыстық көрме залының (1992, 1994), «Goodwin House» (АҚШ, 2000), «Sala Almiral gallery» (Барселона қаласы, Испания, 2008), «Капелла сан Мигель» (Тосса де Маар қаласы, Испания, 2009), Алматы қаласындағы орталық көрме залының (2003), «Тәңірі - Ұмай» (Алматы қаласы,1996, 2003) және т.б. галереялардағы халықаралық және отандық кермелерге қатысқан.

Жеке өмірі мен марапаттары

• Ұлты - Армян. Орыс және ағылшын тілдерін біледі. ҚР Суретшілер одағының мүшесі.

• Діни көзқарасы - православиелік. Саяси қайраткер ретіндегі идеалы - Н.Ә. Назарбаев. Хоббиі - саяхат жасау. Сүйіп оқитын әдебиеті - И.А. Бродский, Г. Мортон, А. Генис, П. Вайль, У. Эко.

• ҚР Білім беру үздігі (1997). Дипломдармен және грамоталармен марапатталған.

• Әкесі - Меликсетов Сурен Арсенович, зейнеткер, инженер-мұнайшы болған, еңбек ардагері, Мұнай өнеркәсібінің үздігі. Анасы - Меликсетова Эльвира Николаевна, педагог.

• Тұрмыста. Жұбайы - Григорьян Владимир Георгиевич, суретші, педагог. Қызы - Григорьян Эльвира Владимировна, дизайнер.