Емдәмтану

Емдәмтану— сау және науқас адамның тиімді тамақтануын, дұрыс тамақтандырудың ғылыми негіздерін және оны ұйымдастыру әдістерін зерттейтін ғылым. Емдем танудың ғылым ретінде пайда болуы Гиппократ есімімен байланысты. Емдәмтану тағам гигиенасымен тығыз байланысты. Қазақстанда Емдәмтану емдеу-профилактикалық мекемелерде, демалыс орындары мен санаторийлерде емдемтану қызмет көрсету ісін ұйымдастыруға байланысты 1930 жылдан дами бастады. Емдәмтану саласындағы зерттеулерді 1973 жылдан Қазақстан ғылым академиясының Тағамтану институты (қазіргі "Тағамтану институты" жабық акционерлік қоғамы) үйлестіріп отырады. Емдәмтану мамандарын даярлау мәселесімен Алматы қаласындағы Дәрігерлердің білімін жетілдіру институты (1982 жылдан) және Қазақ ұлттық медицина университетінің тағамтану кафедрасы (1994 жылдан) шұғылданады.