Ербол Болатұлы Сағдиев

Ербол Болатұлы Сағдиев 1961 жылы 7 наурызда Солтүстік Қазақстан облысы Ленин ауданының Өндіріс ауылында туған. Қазақ. Әкесі - Сағдиев Болат Рамазанұлы, «Көкшетау» Мемлекеттік ұлттық табиғат паркі бас директорының орынбасары. Анасы - Сағдиева Әмина Мұхаметғалиқызы, зейнеткер, Солтүстік Қазақстан облысы Ленин ауданының Жинақ кассасында кассир болып жұмыс істеген.

Алматы зооветеринарлық институтының зооинженерлік факультетін бітірген (1983), зооинженер. Қазақ және орыс тілдерін біледі. «Нұр Отан» ХДП мүшесі (2000 жылдан). 1983 жылдан - Қостанай ауылшаруашылық сынақ стансасының №3 бөлімшесінің зоотехнигі. 1985 жылдың наурызынан - Көкшетау облысы Көкшетау ауданының КОКП XXIV съезі атындағы кеңшарында зоотехник-сұрыптаушы, 1985 жылдың қарашасынан - бас зоотехник, 1988 жылдан - кеңшар директоры. 1992 жылдан - Көкшетау облысы Көкшетау ауданының «Қонысбай» АҚ төрағасы. 1998 жылдан - Көкшетау облысының Қызылжар ауылындағы «Ауылшарсуменжабдықтау» ЖҚБ бастығы. 2000 жылдан - Ақмола облысы Зеренді ауданы әкімінің орынбасары. 2002 жылдан - Ақмола облысы Зеренді ауданының«Суши» МҚК директоры. 2003 жылдың ақпанынан - Ақмола облысының Зеренді ауылындағы «Сұңқар» АК басқарушысы. 2003 жылдың қарашасынан бері - Ақмола облысы Зеренді ауданының әкімі. Көкшетау облысы Көкшетау ауданының Қонысбай ауылдық Халық депутаттары кеңесінің (1989-1994); Көкшетау облысы Көкшетау аудандық Халық депутаттары кеңесінің депутаты. «Құрмет» орденімен (2006); «Қазақстан Республикасының тәуелсіздігіне 10 жыл» (2002), «Ауғанстаннан әскерлердің шығарылуына 15 жыл» (2004), «Қазақстан Конституциясына 10 жыл» (2005), «Астананың 10 жылдығы» (2008), «Ерекше сіңірген еңбегі үшін» (2009) медальдарымен; 1-ші дәрөжелі «Еңбек даңқы» белгісімен марапатталған. Мәдениет қайраткері (2008). Әскери атағы - майор. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Еліміз өз дамуы бойынша әлемнің неғұрлым дамыған 50 елінің қатарына қосылады». Хоббиі - автоспорт, аңшылық. Сүйіп оқитын әдебиеті - тарихи публицистика. Үйленген. Жұбайы - Сағдиева Жанна Қаскенқызы (1962 жылы туған), ағылшын және француз тілдерінің мұғалімі. Қыздары - Сағдиева Марал Ерболқызы (1987 жылы туған), Сағдиева Әйгерім Ерболқызы (1991 жылы туған); ұлы - Сағдиев Абылай Ерболұлы (2005 жылы туған).