Ергеш Асылбаев

Ергеш Асылбаев (1939 ж. т., Сарыағаш ауданы Дүрбісек ауылы). Ташкент мемлекеттік университетінің агрономия факультетін бітірген (1963). Еңбек жолын 1956 ж. Сарыағаш ауданындағы Ленин атындағы ұжымшарда шопан болып бастаған. 1964 – 89 ж. Сарыағаш ауданындағы Коммунизм ұжымшарының бас агрономы, Сарыағаш және Шардара аудандарының ауданы комсомол комитетінің І хатшысы, Шардара ауданындағы Бірлік кеңшарының меңгерушісі, Октябрьдің 50 жылдығы атындағы кеңшардың партия комитетінің хатшысы, Сарыағаш ауданының Ленин атындағы ұжымшарында бас агроном, ауданы халықтық бақылау комитетінің инспекторы, К.Маркс атындағы ұжымшардың Красин бөлімшесінің меңгерушісі, Ленин атындағы ұжымшардың бас агрономы, ұжымшар басқармасы төрағасының орынбасары қызметтерін атқарды. 1990 ж. Қазақ КСР Жоғ. Кеңесіне депутат болып сайланды. Дербісек ауылдық ардагерлер кеңесінің, ауылдық мүгедектер кеңесінің және әскери қызметшілер ісі жөніндегі комитетінің мүшесі.