Ердана Дарханұлы Мейірбеков

Ердана Дарханұлы Мейірбеков ( 1959 жыл, Оңтүстік Қазақстан облысы , Бәйдібек ауданы - 1999 жыл, Шымкент қаласы) - Педагогика ғылымдарының кандидаты, доцент.

Ердана Мейірбеков
Туған күні	1959ж
Туған жері	Оңтүстік Қазақстан облысы Бәйдібек ауданы
Қайтыс болған күні	1999ж
Қайтыс болған жері	Шымкент
Азаматтығы	Қазақстан
Ұлты	қазақ
Қызметі	педагог

Білімі

1976 жылы орта мектепті үздік бітірген. Ал 1979 жылы Шымкент педагогика институтына түсіп, 1983 жылы "Жалпы техникалық пәндер" мамандығы бойынша үздік бітіреді. 1988-1991 жылдары Мәскеу қаласындағы КСРО Педагогика ғылымдары академиясының "Еңбекке баулу және кәсіби бағдар беру" ғылыми зерттеу институтының үйренуші-зерттеушісі, аспиранты болды. 1991 жылы аталған институтта педагогика ғылымдарының кандидаттығына диссертация қорғады.

Қызмет жолы

Жалпы орта мектепті аяқтаған соң өз еңбек жолын Байжансай кенішінде жұмысшы болып бастады. Педагогтік қызметін өзі бітірген "Жалпы техникалық пәндер" кафедрасында бастап, оқытушы, аға оқытушы болды. 1995-1996 жылдары Шымкент педагогика институтының "Еңбекке баулу" кафедрасының меңгерушісі, 1996 жылдан М.О.Әуезов атындағы Оңтүстік Қазақстан гуманитарлық университетінің "Жалпы техникалық пәндер", қазіргі М.О.Әуезов атындағы Оңтүстік Қазақстан мемлекеттік университетінің "Өндіріс негіздері және оқытудың техникалық құралдары" кафедрасының меңгерушісі қызметін атқарды.

Еңбектері

20-дан астам ғылыми-әдістемелік жұмыстардың, оның ішінде 1 түсіндірме сөздік, 2 терминологиялық сөздік, 3 әдістемелік оқу құралы, 2 арнаулы оқу орындарының бағдарламалары, 3 жоғары оқу орындарында негізгі білім беру стандарттарының авторы.

Марапаттары

• 1994 жылы доцент атағын алды.
• Қазақстан Республикасының " Білім беру ісінің үздігі".