Ержүрек және батыл

«Ержүрек және батыл» (ағылш. The Brave and the Bold) — DC Comics-тің Бэтмен мен Робинге қатысты комикстеріне негізделген алдағы америкалық суперқаһармандық фильм. Фильмді DC Studios, Double Dream және Warner Bros. әзірлейді. Бұл фильм DCU-дің үшінші фильмі, сондай-ақ Бэтмен фильмдер сериясының қайта жүктелуі болады. Фильмнің режиссері Энди Мускетти.

Ержүрек және батыл
ағылш. The Brave and the Bold
Жанры	суперқаһармандық фильм
Режиссёрі	Энди Мускетти
Продюсері	Барбара Мускетти Джеймс Ганн Питер Сафран
Кинокомпания	Double Dream DC Studios
Дистрибьютор	Warner Bros.
Мемлекет	АҚШ
Тілі	ағылшын
Шыққан жылы	2025
Алдыңғы фильм	Абыройлылар
Келесі фильм	Супергерл: Ертеңгі әйел

«Ержүрек және батыл» DCU-дің «Құдайлар мен құбыжықтар» деп аталатын бірінші тарауының бір бөлігі болады.

Кейіпкерлер

• Брюс Уэйн / Бэтмен: құпия баскесер ретінде екі жақты өмір сүретін Готэм қаласының бақуатты адамдарының бірі.
• Дэмиен Уейн / Робин: Брюстің ұлы, Көлеңкелер Лигасының тұрағында сегіз-он жасына дейін адам өлтіруді үйренген.

Өндіріс

2022 жылдың сәуір айында Discovery Inc. және Warner Bros. бас компаниясы WarnerMedia-ға біріктіріліп, Warner Bros. Discovery (WBD), басшысы қызметіне Дэвид Заслав келді. Жаңа компания DC Entertainment-ті қалпына келтірмек болды, ал Заслав жаңа еншілес компанияның басшысы ретінде Marvel Studios президенті Кевин Файгиге ұқсайтын адамды іздей бастады. Сценарийші/режиссер Джеймс Ганн және продюсер Питер Сафран жаңадан құрылған DC Studios-тың тең төрағалары мен директорлары қызметіне тағайындалды. Қызметке кіріскеннен бір аптадан кейін олар DCEU-дің «софтребутке» ұшырап DCU деп аталатын жаңа франшизаның көп жылдық жоспарымен жұмыс істейтінін хабарлады. Заславтың айтуынша, жаңа жоспарда «төрт Бэтмен болмайды». Аффлек болашақта рөлге оралмайтыны расталды, бірақ ол DCU үшін жобаны түсіруі мүмкін.

Даму

Маусым айына қарай Энди Мускетти фильмді түсіру үшін студияның таңдауы ішінде фаворит болды. Ол бұған дейін Аффлек пен Майкл Китон сомдаған Бэтменді көрсететін DCEU-лік Флэш (2023) фильмін түсірген. Сол айдың соңында, «Флеш» фильмінің тұсауы кесілгенге дейін Энди Мускетти режиссер болып бекітілді, оның әпкесі Барбара бірге оның Double Dream продюсерлік компаниясы арқылы Ганн және Сафранмен бірге фильмді шығаруға кірісті. Флэш сценаристі Кристина Ходсон фильмнің сценарийсті ретінде қарастырылды, бірақта Ходсон «Форсаж» сериясының жобасында жұмыс істеуді таңдады.

Премьера

«Ержүрек және батыл» АҚШ-та шығарылады және DCU-ның «Құдайлар мен құбыжықтар» деп аталатын бірінші тарауының бөлігі болады.