Еркінқала

Еркінқала — Атырау облысы Атырау қалалық әкімдігіне қарасты Еркінқала ауылдық округі орталығы.

Ауыл
Еркінқала
Әкімшілігі
Ел	ҚазақстанҚазақстан
Статусы	Ауылдық округ орталығы
Облысы	Атырау
Ауданы	Атырау
Ауылдық округі	Еркінқала
Тарихы мен географиясы
Координаттары	47°01′16″ с. е. 51°48′29″ ш. б.47.02111° с. е. 51.80806° ш. б. / 47.02111; 51.80806
Уақыт белдеуі	UTC+5:00
Тұрғындары
Тұрғыны	▲10939 адам (2021)
Этнохороним	еркінқалалық, еркінқалалықтар
Сандық идентификаторлары
Пошта индексі	060019
Автомобиль коды	06
Еркінқала Еркінқала картада Еркінқала
Еркінқала шекарасы

Географиялық орны

Атырау қаласынан оңтүстік-батысқа қарай 8 км-дей жерде Жайық өзенінің саласының жағалауында орналасқан.

Тарихы

1930 жылы ұжымдастыру кезінде «Еркінқала» балықшы колхозының негізінде қалыптасқан. 1957 жылы Ленин атындағы колхоздың орталығы болды.

Халқы

1989 жылы елді мекенде 2099 адам тұрған. 1999 жылы тұрғындар саны 2536 адам (1247 ер адам және 1289 әйел адам) болса, 2009 жылы 3333 адамды (1668 ер адам және 1665 әйел адам) құрады.

2021 жылғы санақ қорытындысы бойынша 10939 адамды (5340 ер адам және 5599 әйел адам) құрады.

Әлеуметтік нысандары

Еркінқала орта мектебі

«Болашақ» бөбекжай-бақшасы

• Еркінқала орта мектебі - Еркінқала мектебі 1931-жылы бастауыш сынып болып ашылды. 1934-жылы мектеп 7 жылдық болып қайта құрылды. 1940-1950 жылдар аралығында Еркінқала орталау мектебі жұмыс жасады. 1950-1960 жылдар аралығында орталау мектеп орта мектепке айналды. 1983 жылы 624 орынды жаңа мектеп үйі салынып, пайдалануға берілді.
• №37 «Болашақ» бөбекжай-бақшасы
• Еркінқала дәрігерлік амбулаториясы,
• Мәдениет үйі
• Музыка мектебі

Діни мекемелері

«Қайтпай сұлтан» мешіті — 850 орындық мешіт 2022 жылы 14 қазанда пайдалануға берілді. Мешітте ерлер және әйелдерге арналған намаз оқу залдары, дәрісханалар бар. Сондай-ақ, мешіт жанынан асхана, имам үйі де пайдалануға берілді.

Кәсіпкерлік

Ауыл негізінен балық, мал, егін шаруашылығымен айналысады. Ауылда бекіре өсіру зауыты,, "Ақ желкен", "Еркінқала" өндірістік кооперативтері балық өсіру және тұщы суда балық аулаумен айналысады.

Ауылда көптеген жауапкершілігі шектеулі серіктестіктер жұмыс жасайды. Олар: инженерлік ғимараттар құрылысы, тамақтануды қамтамасыз ету, жеңіл автомобильдер мен жеңіл автокөлік құралдарын жалдау, жүк автомобиль көлігінің қызметі, өзге де жеке көрсетілетін қызметтерді ұсыну т.б. бағыттарда қызмет көрсетеді. Бірнеше азық-түлік, құрылыс дүкендері бар. Елді мекендермен автомобиль жолдары арқылы қатынасады.

Ауыл суреттері

Еркінқала ауылы.	Еркінқала ауылы	Еркінқала ауылы	Еркінқала ауылы	Еркінқала ауылы

Елді мекен көшелері

• Атамұра көшесі
• Ақжайық көшесі
• Ақжелкен көшесі
• Әлләзи Әленов көшесі
• Баймырза Жексемалиев көшесі
• Балықшылар көшесі
• Батыр Өтеев көшесі
• Бөлекқайыр көшесі
• Гиният Шапауов көшесі
• Ғалымжан Елеманов көшесі (№4 көше)
• Дүйіш Есқалиев көшесі
• Жастар көшесі
• Желтоқсан көшесі
• Жеңіс көшесі
• Жұмабай Даулетов көшесі
• Зіну Сартымбетов көшесі (№43 көше)
• Қарапа Наурызалиев көшесі (№40 көше)
• Қидас Көшербаев көшесі
• Қызыл теңізші көшесі
• Сабыртай Айтмағамбетов көшесі
• Серғазы Төлепов көшесі
• Сәулен Оразалин көшесі
• Тапан Асанов көшесі
• Тәжден Қасанов көшесі (№34 көше)
• Тәуелсіздіктің 10 жылдығы көшесі
• Тәуелсіздіктің 10 жылдығы өткелі
• Шамырат Аманов көшесі
• Шәріп Түсіпқалиев көшесі