Еркін Қарымсақұлы Мәмбетов

Еркін Қарымсақұлы Мәмбетов (18.3.1944 ж.т., Атырау облысы Құрманғазы ауданы Ганюшкин ауылы) — ғалым, медицина ғылымының докторы (1990), профессор (1994).


  • 1966 ж. Алматы мемлекеттік институтын бітірді.
  • 1966 жылы еңбек жолын Атырау өңірінде бастап, Қарағанды мемлекеттік медицина институтында, Куба ұлттық госпиталында (1979 — 81), жұмыс жасады.
  • 2002 жылдан Алматы дәрігерлер білімін жетілдіру институтында кафедра меңгерушісі.

Ғылыми жұмысыӨңдеу

  • Мәмбетовтың негізгі ғылыми жұмыстары офтальмологиялық жарақаттарды емдеуге арналған.
  • Ол лакрималды және пластикалық хирургияның жаңа әдістерін енгізді.
  • Көз аметропиясы мен астигматизмін емдеуде радиалды кератотомияны кеңінен қолданды.
  • Интроакулярлы линзаны қондыру, миопияның асқынған түрі, миопиялық астигматизмге және жарақаттан кейінгі жыртықтық астигматизмге қабықаралық рефракциялық тоннелді кератопластика жасау тәсілдерін жетілдірді. Оның басшылығымен глаукомаға (суқараңғы) жасалған операциядан кейін науқастар көзінің тез қалпына келуінің жаңа әдістері анықталды.
  • Мәмбетов — Қазақстанда офтальмология саласынан тұңғыш докторлық қорғап, профессор атағын алған қазақ ғалымы.[1]

ДереккөздерӨңдеу

  1. Қазақ Энциклопедиясы