Ермекқали Нығметов

Ермекқали Нығметов (1902, Орда ауданы, Бүргенді aуылы — 1992, Алматы) — қоғам қайраткері, 1938 ж. саяси қуғын-сүргінге ұшыраған. 11 жасынан ауылда мал бағып, Басқұншақта тұз шабу, Астраханда балық аулау жұмыстарын атқарды. Бастауыш орыс мектебінде оқып, білім алған. 1920-38 ж. комсомол жұмыстарына ауысты. Бөкей, Жаңақала, Азғыр, Ақмола аудандық партия, кеңес органдарында Қазақстан КП ОК-нде жауапты қызметтер атқарған. 1938 ж. тамызда қызметінен алынып, абақтыға қамалды. 17 жыл сталиндік лагерьде болды. 1955 ж. КСРО Жоғарғы Соты әскери алқасының шешімімен толық ақталып шықты. 1956-71 ж. Қазақстан Мемлекеттік кітап палатасының директоры қызметін атқарды. Көптеген танымдық мақалалардың` авторы.