Есенқазақ

Есенқазақ – Қаратүлей сорының оңтүстігінде жатқан қоныс. Маңғыстау және Бейнеу аудандары жерінде орналасқан.

Жазық келген жер бедері теңіз деңгейінен 100 м-дей жоғары жатыр. Ұзындығы 60 км-ге жуық, енді жері 15 км-дей. Қоныстың солтүстік-шығысында шағын келген сексеуіл тоғайы бар. Шөбі шүйгін, тұщы су құдықтары (Бесшыңырау, Сарлықұдық, т.б.) болғандықтан қоныс мал жайылымына пайдаланылады.