Есжан Берліқожанов

Есжан Берліқожанов (1884, бұрынғы Қапал уезі - 1960, Талдықорған (қазіргі Ескелді ауданы) — жергілікті басшы. Ұжымдастыру кезінде белсенділігімен көзге түскендіктен, 1920-25 жылдары Қапал уезінің Еркін аудандық кеңесінің хатшылығына, кейіннен төрағалыққа тағайындалады. 1925- 37 жылдары ауылдық кеңесте түрлі қызмет атқарып, 1937-52 жылдары Сарыбұлақ, Еркін аудандық кеңесінде төраға болды. Берліқожанов 1943 жылы майданға көмек ретінде самолет сатып алу үшін өз қаржысынан 53601 сом аударған. Бұл еңбегі жоғары бағаланып, мемлекет басшысы И.Сталин алғыс хат жолдаған. 1980 жылы қанатында "Е.Берликожанов" деген жазуы бар самолеттің қалдығы Киев қаласының түбінен табылды. 1945 жылы соғыс кезінде тылдағы жұмысты үлгілі жүргізгені үшін "Құрмет белгісі" орденімен марапатталған.