Ескендір Ерімбетұлы
Ескендір Ерімбетұлы (1904, Созақ ауданы – 26.12.1952, Ордабасы ауданы Темірлан ауылы) – заңгер. Ташкент қазақ – қырғыз институтын (1922), Ташкенттегі Орта Азия мемлекеттік университетінің заң факультетін бітірген (1925). 1925 – 1930 ж. Шымкент, Қызылорда губернаторы сотында, 1930 – 1932 ж. Алматы губернаторы, Қарағанды, Алматы қаласында прокурор болды. 1932 – 1933 ж. Мәскеудегі сот және прокуратура ісі бойынша басшы қызметкерлер дайындайтын жоғары курста оқып, РКФСР Жоғарғы сотының мүшесі болды. 1933 – 1937 ж. Алматы облысының, қаланың прокуроры болды. 1937 – 1941 ж. Кеңестік қуғын-сүргінге ұшырап, жалған айыппен 3 жылға сотталды. 1941 – 1943 ж. Қызыл Армия қатарында, Прокопьевск қаласында құрылыс батальонының бастығы болып істеді. 1943 – 1944 ж. Ащысай, Мырғалымсай кеніштерінде директордың орынбасары, 1944 – 1952 ж. Шымкент облысында ауыл шаруашылығы саласында әр түрлі қызметтер атқарды. ҚР Заңына сәйкес 1993 ж. ақталды. Созақ ауданы Таукент кентіндегі бір көшеге есімі берілген.[1]
Дереккөздер өңдеу
- ↑ Қазақ Энциклопедиясы
“Қазақ Энциклопедиясы”, 5-том
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |