Есту аппараты

Есту аппараты — есту нашарлағанда, не мүлде естімей қалғанда дыбысты зорайту үшін пайдалынады. Аппарат микрофоннан, электр тербелісін күшейткіштен, телефоннан және қорек беретін электр көзінен тұрады. Дыбыс тербелісін микрофон қабылдап, онда электр тербелісі дыбыстық жиілікке айналады. Электронды күшейткіште бұл тербеліс қажетті деңгейге дейін ұлғайтып, телефонға беріледі де, онда ол қайтадан дыбысқа айналады. Естудің нашарлау сипатына қарай есту аппаратына ауа телефоны (зорайтылған дыбыстық сигналды сыртқы құлақта беретін) немесе сүйек телефоны (дыбысты бас сүйегі арқылы ішкі құлаққа жеткізетін) қолданылады. Ауа телефонын құлақ тесігіне, сүйек телефонын — құлақ жарғағының сыртына орнатады.